ტომ ქლევერლის ტრანსფერი ნელ-ნელა ჩიხში შედის, რადგან ინგლისელი "ასტონ ვილასგან" უფრო მეტ ხელფასს ითხოვს.
გასულ კვირას ბირმინგემულმა კლუბმა ყველაფერი შეათნხმა და ტომში 8 მილიონ ფუნტს გადაიხდიან. კლუბი შეეცდება ეს ტრანსფერი დღესვე დაასრულოს, სანამ სატრანსფერო ფანჯარა დაიხურება.
იმისდა მიუხედავად, რომ "ასტონ ვილას" მთავარი მწვრთნელი პოლ ლამბერტი ტომს მუდმივ ადგილს პირდება შემადგენლობაში, ინგლისელს მაინც არ სურს "ვილა პარკზე" გადაბრგება. ყველაფრის მიზეზად კი მისი ხელფასი სახელდება.
როგორც გამოცემა The Telegraph გვამცნობს, 25 წლის ინგლისელი 60 ათას ფუნტს ითხოვს. სწორედ ამ თანხას იღებს ის ახლა "ოლდ ტრაფორდზე". რა საკვირველია, ტომს მოუწევს შეეგუოს იმ ფაქტს, რომ ხელფასი შედარებით დაბალი ექნება, თუ მას ნამდვილად სურს "ასტონ ვილაში" თამაში.