"მანჩესტერ იუნაიტედის" ახალი ფეხბურთელი, ანხელ დი მარია 280 ათას ფუნტს მიიღებს კვირაში. გუნდში მასზე მეტს მხოლოდ ინგლისის და "წითლების" კაპიტანი უეინ რუნი იღებს, გვამცნობს ბრიტანული ბრესა.
რუნის შემოსავალი კვირაში 300 ათასი ფუნტია, ხოლო რობინ ვან პერსი 250 ათას ფუნტს იღებს. დი მარია "იუნაიტედს" 59.7 მილიონ ფუნტად შეუერთდა (99 მილიონი ამერიკული დოლარი), რაც ინგლისური ფეხბურთის სარეკორდო თანხად ითვლება.
არგენტინელი მეოთხე შენაძენი გახდა "იუნაიტედისთვის" ამ ზაფხულს. მანამდე კლუბმა ლუკ შოუ,"საუტჰემპტონიდან" 27 მილიონ ფუნტად, ანდერ ერერა "ბილბაოდან" 29 მილიონ ფუნტად და მარკოს როხო "სპორტინგიდან" 16 მილიონ ფუნტად შეიძინა. მანჩესტერულმა კლუბმა ამ ტრანსფერებში სულ 131.7 მილიონი ფუნტი დახარჯა.