"მანჩესტერ იუნაიტედის" ესპანელი ნახევარმცველი, ხუან მატა თვლის, რომ "იუნაიტედმა" უფრო მიმზიდველი ფეხბურთი უნდა ითამაშოს და უგოლო მატჩებიც აღარ იქნება.
"იუნაიტედმა" 2014/15 წლების სეზონში ოთხი შეხვედრა ჩაატარეს და ვერც ერთი ვერ მოიგეს. საერთაშორისო შესვენების შემდეგ მათი მომდევნო მეტოქე "ქპრ" იქნება.
"იუნაიტედი" "ტორფ მუურზე" გამართულ შეხვედრაში დიდი ხნის განმავლობაში დომინირებდა და მატა თვლის, რომ მხოლოდ დროის საკითხია წარმატების მოსვლა, რადგან ვან გაალის ფილოსოფიას კარგი შედეგები აუცილებლად მოჰყვება.
"რა თქმა უნდა იმედგაცრუებულნი ვართ. აქ სამი ქულის მოსაპოვებლად მოვედით და ეს ვერ შევძელით. მეორე ტაიმში უკეთესად ვითამაშეთ, მაგრამ საკმარისი არ აღმოჩნდა ამის გასაკეთებლად."
"შესაძლოა მთავარი მიზეზი ძალების კონცენტრირებაში უნდა ვეძიოთ. ისე, როგორც ჩვენ ვაკეთებდით ამას, როგორც აღმოჩნდა კარგი არაფერი მიიღწევა. ჩვენ ბრძოლა უნდა გავაგრძელოთ, რადგან სწორედ ეს სურს მწვრთნელს. უნდა გვწამდეს, რადგან ჩვენ გუნდში ბევრი კარგი ფეხბურთელია."
"ვფიქრობ შეხვედრის ბოლო 20 წუთი კარგად ვითამაშეთ, მაგრამ გოლი ვერ გავიტანეთ. ჩვენ დროის უმეტესობა მათ ნახევარზე დავყავით, მაგრამ ეს არ არის საკმარისი გოლის გასატანად. ვფიქრობ, რომ როცა შეხვედრის ბოლო მესამედში ფეხბურთის თამაში გადავწყვიტეთ ჩვენ ვქმნიდით მომენტებს, მაგრამ პირველ ნახევარში ძალიან ბევრ გრძელ პასებს ვაკეთებდით, რაც შესაძლოა არის კიდევ მიზეზი იმისა, რომ კარგად ვერ ვითამაშეთ."
"თუ იმ ფეხბურთელებს გადახედავთ, ვინც გვყავს, ჩვენ უკეთესად თამაში შეგვიძლია. ეს მხოლოდ სამუშაოს გაგრძელების, რწმენისა და მოთმინების საკითხია."