"ბერნლისთან" გამართულ შეხვედრაში "მანჩესტერ იუნაიტედის" ახალწვეული, ანხელ დი მარია სასტარტო შემადგენლობაში გამოვიდა. სწორედ ანხელის წყალობით შეიქმნა "იუნაიტედის" ყველაზე სახიფათო მომენტი, როცა მან ჰოლანდიელ ფორვარდს, რობინ ვან პერსის მაღალი გადაცემა გადააწოდა და მეკარის პირისპირ დატოვა. თუმცა პერსიმ ვერ შეძლო მეტოქის კარის აღება და ანგარიშის გახსნა.
დი მარიამ კიდევ ერთხელ გაამწვავა სიტუაცია, როცა "ბარნლის" მცველს, კირენ ტრიპიერს გვერდი აუარა და უეინ რუნის გადააწოდა ბურთი. უეინმა თავის მხრივ კი ანტონიო ვალენსიას გადააწოდა ბურთი, რომელმაც პერსის მისამართით პასის გაკეთებით მხოლოდ "ბარნლის" შეუწყო ხელი და შეტევა ჩაშალა.
"იუნაიტედის" მთავარი მწვრთნელი, ლუი ვან გაალი მიიჩნევს, რომ დი მარიამ დღეს თავისი შესაძლებლობები სრულად ვერ აჩვენა და იგი მომავალში უკეთესად ითამაშებს.
"დღეს მსოფლიო კლასის ფეხბურთელი ვერ ვიხილეთ, მაგრამ ჯერ-ჯერობით ამას არც უნდა ველოდეთ. ის ინგლისურ კულტურასა და თამაშის სტილს უნდა შეეგუოს, ასევე ახალ თანაგუნდელებს. ამას დრო სჭირდება."
საბედნიეროდ, დრო ის არის, რაც დი მარიას მრავლად ექნება. ის მხოლოდ 26 წლისაა და ვინ იცის რისი გაკეთება შეუძლია "ოლდ ტრაფორდზე"