"ბარნლისთან" მატჩში დამთავრებული ფრის შემდეგ, "იუნაიტედის" მთავარმა მწვრთნელმა ლუი ვან გაალმა თავდასხმაში არსებული არასაკმარისი პროდუქტიულობის გამო უკმაყოფილება გამოთქვა.
ანხელ დი მარიას შეძენის შემდეგაც "წითელ ეშმაკებს" შეტევაში ძალიან ბევრი პრობლემა ჰქონდათ. ლუი ვან გაალის თქმით, გუნდს გატანის ძალიან ბევრი შანსი ჰქონდა, მაგრამ მანჩესტერულმა კლუბმა ეს ვერ მოახერხა.
"მეორე ნახევარში ჩვენ მართლაც უკეთესები ვიყავით. მეტოქის კართან ძალიან ბევრი მომენტები შევქმენით, მაგრამ ვერც ერთის გამოყენება ვერ მოვახერხეთ. მატჩში ნამდვილად შეინიშნებოდა პროგრესი, მაგრამ მაინც რეალიზაცია გვაკლდა."
"ისეთ კლუბს, როგორიც "მანჩესტერ იუნაიტედია", პრემიერ ლიგაში მატჩების მოგება და ქულების აღება არ უნდა უჭირდეს. ჩვენ სამწუხაროდ ცხრა შესაძლო ქულიდან მხოლოდ ორი ქულის მოპოვება შევძელით, რაც ძალიან სამარცხვინოა."
გარდა ამისა, ჰოლანდიელმა პასუხი არ გასცა კითხვაზე: უნდა ელოდეს თუ არა გულშემატკივრი "იუნაიტედისგან" ტრანსფერს?
"ეს არის არასწორი შეკითხვა. მე უკვე ვთქვი, რომ ტრანსფერების შესახებ გადაწყვეტილებებს არ ვიღებ. მე მხოლოდ იმ ფეხბურთელებზე საუბარი შემიძლია, რომელიც "იუნაიტედის" რიგებში ამჟამად ირიცხება."-განაცხადა ვან გაალმა