"იუნაიტედის" ესპანელი ფეხბურთელი ხუან მატა დარწმუნებულია, რომ დღეს მატჩში ფეხბურთელებს არც თუ ისე ადვილი გასეირნება ელოდებათ.
"ბარნლიმ" პირველი ორი შეხვედრა დათმო, რის გამოც ეს მატჩი მათთვის თასიის ფინალის ტოლფასი იქნება. მათ უპირატესობა აქვთ, რადგან ისინი საკუთარ მოედანზე, საკუთარი გულშემატკივრების ქომაგობის ქვეშ თამაშობენ. ვფიქრობ, რომ ბარნლი ადვილი მეტოქე არ არის და ჩენ ამ შეხვედრისათვის სერიოზულად უნდა მოვემზადოთ."
"ამ შეხვედრაში გამარჯვება გვმართებს, რადგან სეზონი არ დავიწყეთ ისე, როგორც შეგვეფერებოდა. ეს მოსალოდნელი იყო, რადგან ძნელია, შეეგუო ასე მოკლე დროში ახალ მწვრთნელს და ახალ ტაქტიკას, მაგრამ დარწმუნებული ვარ, რომ ჩვენ პროგრესს ძალიან სწრაფად დავიწყებთ და ახალ ტაქტიკასაც მალევე მოვერგებით."
"პირადად ჩემი მიზანია, ახალ სეზონში გავიტანო მეტი გოლი და დავდო ისეთი შედეგი, რომელიც გუნდს ძალიან დაეხმარება. ჩემთვის მთავარი არა ინდივიდუალური შედეგი, არამედ გუნდის ინტერესებია. მე შეტევაში ვთამაშობ, ამიტომ მეტოქის კარში ბევრი მომენტი უნდა შევქმნა და კარი წარმატებითაც დავლაშქრო."
"დი მარია შესანიშნავი ფეხბურთელია, რომელიც ჩვენ გუნდს ძალიან დაეხმარება და მნიშნველოვნად გააძლიერებს. მიუხედავად იმისა, რომ იგი ინგლისურად ცუდად ლაპარაკობს, მე ხშირად მასთან ყოფნისას თარჯიმნის როლსაც ვირგებ. აღსანიშნავია, ის ფაქტი, რომ როდესაც მე ახალ ქვეყანაში სათამაშოდ გადავედი, გარს უამრავი ადამიანი მეხვია, ისინი ადაპტაციაში ძალიან მეხმარებოდნენ. ასეა ანხელის გადმოსვლის დროსაც. ჩვენ მას ვეხმარებით, რათა გუნდს მაქსიმალურად მოერგოს."–განუცხადა ესპანელმა ოფიციალურ საიტს.