"იუვენტუსის" ახლად დანიშნულმა მთავარმა მწვრთნელმა მასიმილიანო ალეგრიმ დაადასტურა, რომ "ბებერ ქალბატონთა" ჩილელი ნახევარმცველი არტურო ვიდალი კლუბში დარჩება.
"არტურო შესანიშნავი ფეხბურთელია, იგი იუვენტუსის ერთ-ერთი ლიდერია, რომელიც არსად წასვლას არ აპირებს. ტურინში თავს შესანიშნავად გრძნობს. ძალიან მალე იგი ტრამვას მოიშუშებს და "იუვენტუსისათვის" ბოლომდე იბრძოლებს"-განუცხადა იტალიელმა skysports.com-ს
რამდენიმე დღით ადრე "იუვეს" გენერალურმა დირექტორმა პეპე მაროტამ ასევე განაცხადა:"ვიდალი იტალიაში თავს კარგად გრძნობს, ტრავმა აღმოფხვრილია და მან უკვე ვარჯიში უნდა დაიწყოს. მის გარშემო ბევრი ჭორი ტრიალებდა. კლუბი ვიდალს არასოდეს დააყენებს ტრანსფერზე, ჩვენ სერიოზული შემოთავაზებაც კი არ მიგვიღია. ეს არის მედიის მიერ აგორებული ჩვეულებრივი ჭორი, რომელიც საერთოდ არ შეესაბამება სიმართლეს.