"მანჩესტერ იუნაიტედის" 25 წლის იაპონელი შემტევი ნახევარმცველი შინჯი კაგავა, დორტმუნდის "ბორუსიაში" დასაბრუნებლად მზად არის. Goal-ის მიერ გავრცელებული ინფორმაციით, გარიგება მომდევნო 48 საათში დასრულდება.
სავარაუდოდ, კაგავას ტრანსფერი ბორუსიელებს 10 მილიონი ფუნტი დაუჯდებათ. ფეხბურთელი ყოფილ გუნდთან 4 წლიანი კონტრაქტის გაფორმებას აპირებს. შეგახსენებთ, კაგავა "იუნაიტედის" ბანაკს 2012 წელს "დორტმუნდიდან" 17 მილიონი ფუნტის სანაცვლოდ შეუერთდა. ამ დროიდან მოყოლებული იაპონელი ძირითად შემადგენლობაში მუდმივად ვერ ხვდებოდა.