"მანჩესტერ იუნაიტედის" თავკაცი, ლუი ვან გაალი მიიჩნევს, რომ დი მარიასგან უცაბედ სასწაულს არ უნდა ველოდებოდეთ.

გასულ კვირას, ანხელ დი მარია ინგლისის პრემიერ ლიგის ისტორიაში ყველაზე ძვირადღირებულ ფეხბურთელად იქცა. "იუნაიტედმა" "რეალს" 26 წლის ფეხბურთელში 59.7 მლნ. ფუნტი გადაუხადა. თუმცა, ვან გაალი არ თვლის, რომ დი მარია მაშინვე "წითელ ეშმაკად" იქცევა.

"კმაყოფილი ვარ გუნდში ასეთი დიდებული ფეხბურთელის მოსვლით. იმედი მაქვს, მასთან ერთად კარგ შედეგებს მივაღწევთ, მაგრამ ჩვენთან ერთად ვარჯიშიდან ორი დღის გასვლის შემდეგ არ უნდა ველოდეთ რაიმე სასწაულს. არა, სასწაულისთვის უნდა იმუშაო, მან კი იცის ეს."

"ჩვენ ბევრი კარგი ფეხბურთელი გვყავს, მაგრამ უფრო მნიშვნელოვანია ის, რომ იგი გუნდური ფეხბურთელია. მასში სწორედ ეს მომწონს. მას ჩვენი თამაშის დაჩქარება და გუნდის ინტერესების მიხედვით თამაში შეუძლია. ამიტომაც ავირჩიე იგი. მე მხოლოდ მათ ვყიდულობ, ვინც ჩვენი ფილოსოფიის გაძლიერების უნარის მქონეა."

"თავისი შესაძლებლობებიდან გამომდინარე, იგი მალე უნდა შეეგუოს გუნდს, მაგრამ ძალიან მომთხოვნი ბიჭია. მას მუშაობა სურს, ეს წინა წელს დაადასტურა. მან 52 შეხვედრა ითამაშა და 22 საგოლე გადაცემა გააკეთა. განა ბევრ მოთამაშეს შეუძლია იმავეთი დაიკვეხნოს?" - განაცხადა ლუი ვან გაალმა.

fapl.ru