"აიაქსის" სპორტულმა დირექტორმა, მარკ ოვერმარსმა განაცხადა, რომ მისი კლუბი ახალგაზრდა ჰოლანდიელი მცველის, დეილი ბლინდის გაშვებას გროშების სანაცვლოდ არ აპირებს. უკვე დიდი ხანია ცნობილი გამოცემები, ბლინდს იუნაიტედს უკავშირებენ, მაგრამ ოვერმარსმა ყველაფერს წერტილი დაუსვა. ჰოლანდიელი, ბლინდის მცირე თანხის სანაცვლოდ გაშვებას არ აპირებს.
"მიმაჩნია, რომ ჩვენ კარგი გუნდი გვყავს და მის დაშლას არ ვაპირებთ. დეილი ჩვენთან დარჩება. მხოლოდ დიდი თანხის შემოთავაზების შემთხვევაში, შეგვეძლო განგვეხილა რაიმე წინადადება. ამჟამად ბლინდი ჩვენი ფეხბურთელია. მომავალ წელს ჩვენ ყველა შემოთავაზებას განვიხილავთ და თუ რა თქმა უნდა დეილის სურს, მას ხელსაყრელ ფასად გავუშვებთ."-განაცხადა ოვერმარსმა
"მანჩესტერ იუნაიტედმა" ორი არგენტინელი ფეხბურთელი: მარკოს როხო და ანხელ დი მარია გაიფორმა. "წითელი ეშმაკები" კი ახლა, არტურო ვიდალისა და ბლინდის გადაბირებას შეეცდებიან, მაგრამ ოვერმარსმა განაცხდა, რომ მის გუნდს "იუნაიტედისგან" არანაირი შემოთავაზება არ მიუღია.
"დეილის გარშემო უამრავი ჭორები ტრიალებდა. გაზეთები წერდნენ, რომ ძალიან ბევრი კლუბი ცდილობდა მის შეძენას. წერდნენ იმასაც,რომ ჰოლანდიელი ფეხბურთელი, იუნაიტედის ძირითადი სამიზნე იყო და წითელმა ეშმაკებმა ჩვენ წინადადებითაც კი მოგვმართეს, მაგრამ ეს ყველაფერი ჭორია. ჩვენ იუნაიტედისგან არანაირი შემოთავაზება არ მიგვიღია."-დასძინა მან