"მანჩესტერ იუნაიტედის" ახალწვეულმა, ანხელ დი მარიამ განაცხადა, რომ მას არ სურდა მადრიდის "რეალის" დატოვება, მაგრამ ხელმძღვანელობამ იგი იძულებული გახადა.

მიუხედავად იმისა, რომ დი მარია გასულ სეზონში ბრწყინვალედ გამოიყურებოდა "რეალში", მადრიდულმა კლუბმა ხამეს როდირგესი შეიძინა, რომელიც არგენტინელის პოზიციაზე თამაშობს.

ამგვარად, "გალაქტიკომ" დი მარიას ნათლად აჩვენეს, რომ მისი სამსახური აღარ სჭირდებოდათ. წუხელ დი მარია "მანჩესტერ იუნაიტედში" 59.7 მლნ. ფუნტად გაიყიდა.

"ოლდ ტრაფორდზე" გადმოსვლის შემდეგ დი მარიამ "რეალის" გულშემატკივრებს ღია წერილით მიმართა, რომელშიც იგი აცხადებს, რომ "რეალის" დატოვების არავითარი სურვილი არ ჰქონია.

"სამწუხაროდ მე უნდა წავიდე, მაგრამ მე არასდროს მინდოდა წასვლა. ჩემპიონთა ლიგის ფინალის მოგების შემდეგ, იმედი მქონდა, რომ ახალ კონტრაქტს მივიღებდი, მაგრამ ასე არ მოხდა."

"ბოლო დღე-ღამის განმავლობაში ბევრი რამ ითქვა. მათ ("რეალს)" სურდათ ყველაფრის ისე მოწყობა, თითქოს მე თავად მსურდა კლუბის დატოვება, მაგრამ ეს ასე არ იყო. მე მხოლოდ სამართლიანობას მოვითხოვდი."

"მე ბევრ რამეს ვაფასებ და ხელფასს აქ არავითარი მნიშვნელობა არ აქვს. იმედი მაქვს, რომ პროგრესირებას გავაგრძელებ და "მანჩესტერ იუნაიტედის" ისტორიას შევქმნი." - ციტირებს დი მარიას Daily Mail.

fapl.ru