ალან კერბიშლი: როცა შენს განკარგულებაში რუნი, პერსი და მატა იმყოფებიან, რთულია განსაზღვრო სად უნდა გაამწესო კიდევ ერთი შემტევი. მაგრამ საქმე იმაშია, რომ ეს ტრიო დიდი ალბათობით სეზონს ერთნაირი წარმატებით ვერ ჩაატარებს და დი მარიას მოსვლით წარმოქმნილი კონკურენციაც მათ მხოლოდ და მხოლოდ გამოადგებათ."

"ანხელი უნივერსალია და მას რამდენიმე პოზიციაზე შეუძლია თამაში. მას შეტევის ხაზის სამ პოზიციაზე შეუძლია ითამაშოს, ასე შეუძლია ცენტრში იმუშავოს, ან ვინ-ბექის პოზიციაზე დადგეს იმ შემთხვევაში, თუ ვან გაალი საკუთარი ტაქტიკის ერთგული დარჩება."

რეი სალონი, Sky Sports-ის ექსპერტი: ანხელი - დაუჯერებელი სისწრაფის მქონე ფეხბურთელია, რომელიც ბოლო რამდენიმე წლის განმავლობაში ლა ლიგის ერთ-ერთი საუკეთესო პლეიმეიკერია. დარწმუნებული ვარ, რომ "იუნაიტედს" ძალიან გამოადგება და ჩვეულ დონეზე დააბრუნებს.

ესპანელი ექსპერტი, გილიემ ბალაგიე: "ეს შესანიშნავი ტრანსფერი და "იუნაიტედის" მხრიდან განხორციელებული სწორი სვლაა. მათ ანხელ დი მარიას დონის მოთამაშე სჭირდებათ. გარდა ამისა, თითქოს აცხადებენ: "ნახეთ, ჩვენ ევროპაში არ ვასპარეზობთ, მაგრამ საუკეთსო ფეხბურთელები ჩვენთან მაინც მოდიან". დაახლოებით ასეთი რამ გააკეთა "სიტიმაც" როცა სხვებისთვის ნაკლებად ცნობილმა გუნდმა იაია ტურე და დავიდ სილვა შეიძინეს.

დი მარია "მანჩესტერ იუნაიტედისთვის" შესანიშნავი დანამატი იქნება. თავადაც შეამჩნევდით, რომ მათ სჭირდებათ ადამიანი, ვინც შეტევებს გაამწვავებს. და არა მარტო შემსრულებელი, რომელსაც პასის გაკეთება ან ბურთის დაჭერა შეუძლია, არამედ ის, ვინც უცებ ფეთქდება და მოწინააღმდეგის დაცვას სისწრაფის ხარჯზე არღვევს.

დიახ, მოთამაშეში გადახდილი თანხა დიდია, მაგრამ ამას სიტუაცია მოითხოვს. გასულ წელს ისინი მე-7 ადგილზე გავიდნენ და ევროტურნირებზე ვერ მოხვდნენ, ახლა კი ლუი ვან გაალი ახალ გუნდს აშენებს. ეჭვიც არ მეპარება იმაში, რომ ამ ტრანსფერში დიდი როლი კრიშტიანუ რონალდუმ ითამაშა. იგი მოუყვებოდა თავის პარტნიორს კლუბის სიდიადეზე და იმ ყველაფრის შესახებ, რაც ამ კლუბს დიდებულს ხდის.

redevils.ru