გარი ნევილი თვლის, რომ ანხელ დი მარია სწორედ ის ფეხბურთელია, რომელიც ,,იუნაიტედს'' ამ მომენტისათვის ყველაზე მეტად სჭირდება. ,,ამ მომენტისათვის ჩვენ ფლანგებით არ ვთამაშობთ, ეს დაუჯერებელია. ბოლო 10-15 წლის განმავლობაში კლუბის მთავარი დასაყრდენი სწორედ ფლანგები იყო. ჩვენ მხოლოდ იანუზაი გვყავს, ეს არის და ეს. გასული წლის სატრანსფერო კამპანიამ ,,იუნაიტედის'' პრობლემებს პასუხი ვერ გასცა. დი მარია კი დარწმუნებული ვარ, რომ შესანიშნავი შენაძენი იქნება'' - აცხადებს ნევილი Skysports - თან ინტერვიუში. ,,გულშემატკივრები თვლიან, რომ გუნდს აუცილებლად სჭირდება ცენტრალური მცველი და ცენტრალური ნახევარმცველი. მაგრამ ჩემი აზრით ყველაზე მნიშვნელოვანი ვინგერის შეძენაა, რომლითაც კლუბი ზემოთ ჩამოთვლილ პრობლემებს ერთდროულად მოაგვარებს''