"სანდერლენდთან" აღებული 1 ქულის შემდეგ, ლუი ვან გაალი აცხადებს, რომ "იუნაიტედს" ძალიან გაუჭირდა სეზონის პირველი მატჩების კარგად ჩატარება.

მიუხედავად იმისა, რომ დი მარიას ტრანსფერი დროის საკითხია, ვან გაალს კვლავ აქვს საფიქრალი, თუ როგორ გამოასწოროს მისი გუნდის თამაშის ხარისხი.

გუშინდელ მატჩში ანგარიში ხუან მატამ გახსნა, თუმცა ჯეკ როდუელის მიერ გატანილმა გოლმა "იუნაიტედი" 1 ქულას დააკმაყოფილა და პრიემიერ ლიგის ცხრილში ახლა მეცამეტე პოზიციას იკავებს. ეს კი ამ გუნდის ყველაზე ცუდი სტარტია ბოლო 22 წლის განმავლობაში.

მიუხედავად ძალიან დიდი სატრანსფერო ღირებულებისა, "იუნაიტედში" დი მარიას სამედიცინო შემოწმებას დღეისთვის ელიან. თუმცა ვან გაალი აცხადებს, რომ მისმა გუნდმა ძალიან სწრაფად უნდა შემოატრიალოს სიტუაცია, რადგან უკვე მეორე თამაშია მისი გუნდი ვერანაირ კრიტიკას ვერ უძლებს.

"შენ ვერ იტყვი თუ რაოდენ დიდხანს გაგრძელდება ეს. თუმცა როგორც კი მატჩს მოიგებ, თავდაჯერებულობა ავტომატურად გიბრუნდება." აცხადებს ვან გაალი. "მიუხედავად ყველაფრისა, ჩვენ ბევრი უნდა ვიმუშაოთ. ფეხბურთელები ძალიან იმედგაცრუებულები არიან, რადგან ჩვენ გვჯეროდა რომ მოგება შეგვეძლო. ჩვენ მაინც გვაქვს ერთი ქულა, თუმცა ეს "იუნაიტედისთვის" საკმარისი არ არის."



ვან გაალი არ არის დარწმუნებული დი მარიას ტრანსფერზე, მიუხედავად იმისა, რომ არგენტინელის რამდენიმე თანაგუნდელმა უკვე გამოაქვეყნა მისთვის მიძღვნილი დასამშვიდობებელი ტექსტი.

"მე არაფრის თქმა შემიძლია ტრანსფერების შესახებ. თქვენ ეს უნდა გაიგოთ." აგრძელებს ვან გაალი. "როდესაც ტრანსფერი დასრულდება, მხოლოდ მაშინ შეგვეძლება რამის თქმა. მაგრამ ახლა ჩვენ უნდა მოვიცადოთ და ვნახოთ. როგორც კი მომენტი იქნება, კლუბი აუცილებლად გამოაცხადებს ამის შესახებ. მე ასევე მომწონს არტურო ვიდალი და ლიონელ მესი, მაგრამ ეს იმას არ ნიშნავს რო ისინი აუცილებლად მოვლენ "იუნაიტედში.""

გუშინდელ მატჩში კრის სმოლინგმა ტრავმა მიიღო, დატოვა მოედანი პირველი ტაიმის დასრულებამდე და გაზარდა ტრავმირებულთა რიცხვი რვამდე.

ვან გაალი ასევე აცხადებს, რომ 28 მილიონად შეძენილი ანდერ ერერას ტრავმა ისეთი მძიმე არ გამოდგა, რომელიც ის თავიდან ჩანდა და ესპანელი მალე შეძლებს მოედანზე გამოსვლას.

"სმოლინგს საზარდულის ტრავმა აქვს." - აგრძელებს ჰოლადნიელი. "ჩვენ ჯერ უნდა მოვიცადოთ და შემდეგ შევაფასოთ, ახლა ძალიან ადრეა. ერერასაც იგივე აწუხებს, თუმცა საქმე ასე რთულად არ არის." - დაასრულა ვან გაალმა.

წყარო: Mirror