"სანდელენდთან" უსახური ფრის შემდეგ, მატჩის შემდგომ პრესკონფერენციაზე ლუი ვან გაალმა ორჯერ გაიმეორა არტურო ვიდალის გვარი. ჟურნალისტებმა მას კითხვა დაუსვეს, ისურვებდა თუ არა იგი გუნდში დი მარიას, მან კი აგდებულად უპასუხა, რომ არტურო ვიდალის და ლიონელ მესის ტრანსფერსაც მიესალმებოდა.
ჰოლანდიელმა მეორედაც გამოთქვა სიმპატიები ჩილელი ნახევარმცველის მიმართ: "მე არაფრის თქმა შემიძლია ტრანსფერების შესახებ. თქვენ ეს უნდა გაიგოთ. როდესაც ტრანსფერი დასრულდება, მხოლოდ მაშინ შეგვეძლება რამის თქმა. მაგრამ ახლა ჩვენ უნდა მოვიცადოთ და ვნახოთ. როგორც კი მომენტი იქნება, კლუბი აუცილებლად გამოაცხადებს ამის შესახებ. ეს მხოლოდ დი მარიას არ ეხება, შესაძლოა იყოს ვიდალი ანდაც მესი. ჩვენ დიდი კლუბი ვართ." - დაასრულა ვან გაალმა.