კარლო ანჩელოტი აცხადებს, რომ ანხელ დი მარია უკვე დაემშვიდობა თანაგუნდელებს, რაც იმის მანიშნებელია, რომ მის "იუნაიტედში" გადასვლას წინ აღარაფერი უდგას.
ბრიტანული მედიის თანახმად, არგენტინელი დათანხმდა "იუნაიტედის" შემოთავაზებას და ვან გაალი კლუბის გაძლიერებას სერიოზულად შეუდგა.
აღნიშნული ჭორები სწორედ მაშინ დაიწყო, როდესაც მუნდიალის დასრულების შემდეგ "რეალ მადრიდმა" ხამეს როდრიგესი დაიმატა, და ანხელის სათამაშო დრო კითხვის ნიშნის ქვეშ დადგა.
"იგი უკვე გამოემშვიდობა კლუბს. ოფიციალურად არაფერია ჯერ, თუმცა ალბათ ყველაფერი მალე გაირკვევა." აცხადებს კარლო ანჩელოტი.
"კლუბმა ყველაფერი გააკეთა მის შესანარჩუნებლად, მაგრამ მას წასვლა ჰქონდა გადაწყვეტილი. ჩვენ მადლობის გარდა ვერაფერს ვეტყვით მას, გაწეული სამსახურისთვის. მე მასთან კარგი ურთიერთობა მაქვს, თუმცა კლუბის დატოვება მისი იდეა იყო."