"რეალის" ნახევარმცველი ანხელ დი მარია კარიერას "მანჩესტერ იუნაიტედში" განაგრძობს.
26 წლის ვინგერი მოირგებს ისტორიულად მნიშვნელოვან "იუნაიტედისთვის" ნომერ 7-ს. შვიდი ნომრით "მანჩესტერში" თამაშობდნენ ჯორჯ ბესტი, ბრაიან რობსონი, ერიკ კანტონა, დევიდ ბექჰემი და კრიშტიანუ რონალდუ. როგორც უკვე იტყობინებიან, არგენტინის ნაკრების ფეხბურთელმა მიიღო "წითელი ეშმაკების" შემოთავაზება. ოფიციალურად ეს ტრანსფერი შემდეგ კვირას გამოცხადდება.
ეს ტრანსფერი "მანჩესტერს" 60-70 მილიონ ევრომდე დაუჯდება. დი მარიას სურს შეიცვალოს კლუბი, რადგან ის მადრიდულ კლუბში თავის ადგილს ვეღარ ხედავს.
მანამდე გახდა ცნობილი, რომ "მადრიდელებმა" უარყვეს "ბარსელონის" შემოთავაზება 60 მილიონ ევრომდე. ამის გარდა "პსჟ-მ" ვერ განახორციელა ანხელის ტრანსფერი.