"მანჩესტერ იუნაიტედის" ხელმძღვანელი, ლუი ვან გაალი თვლის, რომ მისი გუნდის ახალწვეულმა, მარკოს როხომ "ოლდ ტრაფორდზე" წარმატების მისაღწევად ემოციების კონტროლი უნდა ისწავლოს.

პორტუგალიის ჩემპიონატის 49 შეხვედრაში, რომელსაც როხო "სპორტინგის" რიგებში მართავდა, არგენტინელმა 21 ყვითელი ბარათი მიიღო. ამიტომ, ვან გაალი თვლის, რომ როხომ თავის ხელში აყვანა უნდა ისწავლოს.

"აგრესიული უნდა იყოს კიდეც, თუმცა საჭირო მომენტში. თუ მისი გაკრიტიკება თუ რამეში შემიძლია, მხოლოდ ამაში. მან საკუთარი თავის კონტროლი უნდა ისწავლოს. მას შეუძლია ამ მხრივ მოუმატოს, მე კი შესაძლოა მისი დახმარება შევძლო."

ვან გაალმა ისიც განაცხადა, თუ სად სურს ახალწვეულის გამოყენება.

"როცა არგენტინის ნაკრებს ვეთამაშებოდით, არგენტინელთა თამაშის გაანალიზება მომიხდა და იმ ვიდეოში როხოს თამაშით მოვიხიბლე. ვგონებ, როხო მარცხენა ცენტრალური მცველის, ან მარცხენა ფლანგის მცველის როლს ერგება. მან ფანტასტიურად ჩაატარა მსოფლიო ჩემპიონატი. ძალიან კმაყოფილოი ვარ."

fapl.ru