მოგეხსენებათ, ,,მანჩესტერმა'' წინასასეზონო ტურნე უმაღლეს დონეზე ჩაატარა, მათ მათ ანგარიშზე 6 ჩატარებული მატჩიდან 6 მოგებაა.

ხუან მატა, დენი უელბეკი, ანდერ ერერა და უეინ რუნი – ამ ფეხბურთელებმა ტურნე მაღალ დონეზე ჩაატარეს, აჩვენეს შესანიშნავი ფეხბურთი ყველა ჩატარებულ თამაშში და გულშემატკივარიც დიდი იმედებით ელოდა პირველ ოფიციალურ მატჩს.

თითქოს ყველაფერი მარტივად უნდა მომხდარიყო და ,,იუნაიტედს'' დაგეგმილი 3 ქულა უნდა აეღო, მაგრამ ყველაფერი სხვაგვარად მოხდა. ,,იუნაიტედი'' დამარცხდა, ნაჩვენებმა ფეხბურთმა კი ყველას გასული სეზონი გაახსენა.

,,ვალენსიასთან'' მატჩის შემდეგ ოფიციალურად გაირკვა, რომ გუნდის ახალი კაპიტანი უეინ რუნი გახდებოდა.

,,სუონსისთან'' მატჩში ფორვარდმა 6 ჯერ დაარტყა, ეს კი ყველაზე მაღალი მაჩვენებელია პრემიერ ლიგაში.

ერთხელ საჯარიმო დარტყმული ხარიხას მოხვდა, სამი კი კარში წავიდა. ყველაფერი ნათლად ამტკიცებს იმას, რომ ინგლისელმა მექსიკელ ხავიერ ერნანდესზე გაცილებით უკეთ ითამაშა, მექსიკელმა პირველ ტაიმში საერთოდ ვერ შეძლო კარში დარტყმა.



მატჩში უფრო მეტი მან თავდამსხმელის უკან ითამაშა, ესპანელმა მატამ მატჩი აშკარად ჩააგდო და რუნისაც უფრო უკან და ღრმად უწევდა ჩამოსვლა ბურთის მისაღებად.

ინგლისელის გადაცემების სიზუსტე 78% შეადგენდა. სურათზე რუნის მიერ გაკეთებული გადაცემები შეგიძლიათ იხილოთ.



რუნი გულმოდგინედ მუშაობდა და ბევრს ცდილობდა, გოლის გატანაც კი შეძლო. მაგრამ ,,იუნაიტედის'' გულშემატკივარი კაპიტნისგან უფრო ბევრს ელის და რუნისთვის ეს გასაგებია.

,,ეს განსაკუთრებული მომენტი იყო, მაგრამ შედეგით იმედგაცრუებული ვარ'' - განუცხადა რუნიმ MUTV - ს

ექსტრა კლასის ფეხბურთელმა, 90 წუთის განმავლობაში აუცილებლად უნდა შექმნას როგორც მინიმუმ გოლის გატანის 3 მომენტი. ახალ სეზონში ეს რუნის მთავარი ამოცანა უნდა იყოს.

თავდასხმაში ის ნანის გამოსვლის შემდეგ დამკვიდრდა. ლუი ვან გალმა 4–3–3 სქემით განაგრძო თამაში, მაგრამ რაიმე სერიოზული გავლენის მოხდენა ამან ვერ შეძლო. მართალია, გუნდმა შეძლო გოლის გატანა და ეს რუნიმ მოახერხა, მაგრამ თამაშის დიდი დროის განმავლობაში, ის საიმედოდ იყო დაცული ეშლი უილიამსის მიერ. გოლის გარდა რუნიმ მხოლოდ ერთი საგოლე მომენტის შექმნა მოახერხა.



წაგება სახლში მათ მხოლოდ ავალდებულებს შემდეგი თამაშის აუცილებელ მოგებას.

,,მანჩესტერი'' ,,სანდერლენდს'' ესტუმრება და გამარჯვებაც აუცილებელი ხდება, რადგან ,,სიტიმ'', ,,არსენალმა'', ,,ლივერპულმა'' და ,,ჩელსიმ'' თავისი თამაშები მოიგეს. ჩემპიონთა ლიგის საგზურის მოპოვებაში ვან გაალის შეგირდებს არაფრით არ ესიამოვნებათ კონკურენტებისგან 6 ქულით ჩამორჩენა.

რუნი კვლავ გაუძღვება თანაგუნდელებს, ვან პერსის დაბრუნება კი მას საქმეს გაუადვილებს და შეძლებს როგორც საგოლე გადაცემების გაკეთებას, ასევე გოლების გატანასაც.

წყარო: Carrick.ru