გუშინ პრემიერ-ლიგის პირველი ტურის პირველ მატჩში "მანჩესტერ იუნაიტედმა" ოლდ ტრაფორდზე "სუონსი" მიიღო და მინიმალური ანგარიშით 1-2 დამარცხდა. გთავაზობთ ამ მატჩში გასული გოლების გარჩევას.

28-ე წუთი. კი.

ამ გოლის დროს "სუონსი" დიდ ხნის განმავლობაში თავის ნახევარზე ფლობდა ბურთს. ეს იმას ნიშნავს, რომ დრო იმისათვის, რომ სწორად შეერჩიათ პოზიცია "იუნაიტედის" მცველებს ნამდვილად ჰქონდათ.



როგორც უკვე აღინიშნა, მცველები პრესინგს მიმართავენ ამიტომ ტეილერ ბლეკეტმა გაჰყვა მის მოთამაშეს და გაათავისუფლა მარცხენა ფლანგი, რომელიც სმოლინგს უნდა დაეკავა.



სწორედ ამ ზონაში შერბის სიგურდსონი და იღებს გადაცემას დაიერისგან. აღსანიშნავია, რომ ბლეკეტმა, რომელსაც სიგურდსონი ჰყავდა ჩაბარებული დატოვა მისი მეურვეობის ქვეშ მყოფი ფეხბურთელი და დაიერის პასის ჩასაჭრელად წავიდა. ასე, რომ 1 პასით იანგიც და ბლეკეტიც მოტყუებულნი იყვნენ.



ფლანგზე ასეთი ჩავარდნის შემდეგ დასახმარებლად სმოლინგი და ხვდება ფეხბურთელს, რომელიც ბურთთანაა, თუმცა ამ დროს გოლის ავტორი კი არის სრულიად თავისუფალი ცენტრალურ ზონაში. ამის შემდეგ ჩნდება კითხვა სად იყვნენ და რას აკეთებდნენ ერერა და ფლეტჩერი.



72_ე წუთი. სიგურდსონი.

ყველაფერი იმით დაიწყო, რომ მსაჯმა ჯარიმა "იუნაიტედის" კარის მიმართულებით დანიშნა და ბლეკეტმა, ან გამოუცდელობის ან კარგი გულის გამო პირდაპირ ჩააბარა "სუონსის" ბურთი, რითაც სწრაფი შეტევის წამოწყების უფლება მიცა.



ბურთის სწრაფად გათამაშებისას ბურთი თავისუფალ ზონაშია ხოლო სმოლინგი და ჯონსი მის უკან.



გათამაშების შემდეგ იანგი სწრაფად ფარავს თავის ზონას.



საბოლოოდ შეტევა ფლანგიდან ვითარდება და ამ დროს "იუნაიტედის" მცველებმა უკვე გაინაწილეს "სუონსის" შემტევები. ბლეკეტს სიგურდსონი ჰყავს აყვანილი, იანგს როუტლეჯი, ხოლო ფელაინის კი ბონი.



ამის შემდეგ ხდება ძალიან უცნაური რამ: ბლეკეტი და იანგი ტოვებენ თავიანთ ფეხბურთელებს და პასის ჩასაჭრელად გარბიან. მხოლოდ ფელაინი აგრძელებს თავისი ფეხბურთელის აყვანას.



როუტლეჯი თავისუფლად იღებს ბურთს, იმიტომ, რომ იანგმა მარტო დატოვა ის, აკეთებს პასს სიგურდსონზე, რომელიც ბლეკეტმა დატოვა და ეს უკანასკნელი ძალიან ახლო მანძილიდან გზავნის ბურთს კარში.



დასკვნა: იანგი, როგორც მცველი არის ზღაპარი. შესაძლოა მან კარგად ითამაშოს ამ პოზიციაზე, თუმცა ამას დრო სჭირდება. ახლა კი მას და ბლეკეტს დიდი უსიამოვნება მოაქვთ "იუნაიტედისთვის".

დაცვის ხაზში ალბათ მხოლოდ ჯონსთან არ არის პრეტენზია. ვან გაალს და ვუდვორდს კი ბევრი სამუშაო აქვთ.