ვან გაალს ხალხის შეხედულებების უარყოფა მარტივად შეუძლია და შოკისმომგვრელ გადაწყვეტილებებზეც არ ამბობს უარს. როგორც კი ის ,,იუნაიტედის'' თავკაცად დაინიშნა, ბევრი ელოდა და დაიწყო ლაპარაკი იმის თაობაზე, რომ მასსა და რუნის შორის ''მესამე მსოფლიო ომი'' დაიწყებოდა, რადგანაც ბევრს ეგონა ვან პერსის კაპიტნობა გადაწყვეტილი საქმე. მაგრამ მან ყველაფერი თავდაყირა დააყენა და ახალ კაპიტნად არა ვან პერსი, არამედ უეინ რუნი დანიშნა.



ვან გაალი ხვდება, რომ კაპიტნის სამკლაური კლუბის ყველაზე გამორჩეულ მოთამაშეს მისცა. მან კარგად იცის, რომ რუნი ყოველ მატჩში ბოლომდე დაიხარჯება და სეზონიდან სეზონამდე ბევრ გოლსაც გაიტანს.

გუნდის ფეხბურთელები ჯერ კიდევ ვან გალის დაკვირვების ქვეშ იმყოფებიან. დევიდ მოიესის ერის იმედგაცრუებული თამაში ჯერ კიდევ არავის არ დავიწყებია. 2013/14 სეზონი მხოლოდ მაშინ იქნება დამარხული, თუ ,,წითელი ეშმაკები'' მასზე დროულ რეაგირებას მოახდენენ და წარმატებულ სეზონს ჩაატარებენ. რუნი უკვე თავისი კარიერის ახალ სტადიაზე იმყოფება, მას აქვს შანსი გუნდის ერთპიროვნული ლიდერი გახდეს. განვლილი მისი კარიერა ყველას შეახსენებს, რომ რუნის ამისთვის ყველა თვისება გააჩნია და მან ეს დაიმსახურა.



ლიდერი პასუხისმგებლობას არამარტო თავის თავზე იღებს, არამედ სხვებსაც აიძულებს იგივე გააკეთონ. რუნი უკვე ის ფეხბურთელია, რომელსაც შეუძლია პრეტენზიების გამოთქმა. ის საჭირო დროს კიდევაც აკრიტიკებს ფეხბურთელებს და თავის კრიტიკასაც ღირსეულად იღებს. მას კრიტიკა როგორც წყენის საგანი არ მიაჩნია და თანაგუნდელებისგანაც სწორედ ასეთ გაგებას მოითხოვს.

რუნი ერთ-ერთი ფეხბურთელი იყო, რომელიც სამწვრთნელო შტაბის მაგიდასთან ჯდებოდა კარინგტონის სასადილოში და სერ ალექს ეხუმრებოდა: ,,ვითამაშებ ხვალ ბოსს ? '' ,,ეს შენი საქმე არ არის'' - უპასუხებდა სერ ალექსი.

სხვაგვარადაც ხდებოდა. ავტობუსში სერ ალექსთან ჯდომისას: ,,ვისთან ერთად ვითამაშებ ხვალ თავდასხმაში ?'' თითქოს მას უკვე გადაწყვეტილი ჰქონდა, რომ ძირითადში აუცილებლად ითამაშებდა.

კლუბს ისეთი გამოცდილი ფეხბურთელები ჰყავდა, როგორიც იყვნენ ფერდინანდი, ვიდიჩი, ევრა, გიგზი, სქოულზი, მაგრამ რუნი მათგან გამოირჩეოდა. ყოველთვის უყვიროდა დაცვას ან ნახევარდაცვას, რომ უკან დახეულიყვნენ. ახლა როცა ის გუნდის კაპიტანია, თანაგუნდელები მას სხვაგვარად შეხედავენ. მისგან ისინი დახმარებას და რჩევას დაელოდებიან. ახლა სიტყვას რომელსაც ის წარმორთქვამს პრესასთან, ხშირად მთელი გუნდის შეხედულება იქნება.

როგორც კარიერის პიკზე მყოფ ,,მანჩესტერ იუნაიტედის'' კაპიტანს, ერთი მარტივი ამოცანა აქვს: პრემიერ ლიგის ტიტულის აღმართვა. სხვა რეზულტატი მისთვის, როგორც გუნდის კაპიტანისთვის ჩაგდება იქნება.

ბევრ რამეს შეუძლია მასზე შთაბეჭდილების მოხდენა. მას აქვს საშუალება ყველაფერი თავიდან დაიწყოს, მაგრამ უკვე დიდი პასუხისმგებლობით. მის წინ უდიდესი გამოწვევა დგას.

რუნი ყველა თვისებას ფლობს იმისათვის, რომ მინდორზე ყველასთვის მისაბაძი მაგალითი გახდეს. მწვრთნელებზეც შეუძლია გავლენის მოხდენა და მისი შეჩერება არ იქნება მარტივი. პარტნიორის კრიტიკიდან ათ წუთში ის ისევ მეგობარი ხდება მისთვის. რუნი არ აქცევს ყურადღებას ასაკს, რეპუტაციასა თუ გამოცდილებას.

ამიერიდან ის მუდამ უნდა იყოს დარწმუნებული, რომ მის მიერ წარმოთქმული სიტყვა გუნდს სარგებელს მოუტანს. უეინი ისეთივე კაპიტანი იქნება, როგორიც თავის დროზე სტივ ბრიუსი, როი კინი, ბრაინ რობსონი და ერიკ კანტონა იყვნენ.



რუნი გადავა დალაპარაკებებზე, როცა საქმე ისე არ წავა როგორც საჭიროა. ეს მწვრთნელების მთავარი ამოცანაა ასწავლონ ფეხბურთელებს თავიანთ გამოსვლაზე პასუხისმგებლობის აღება. ფეხბურთელებს შორის მოლაპარაკებამ შეიძლება უფრო მეტი შედეგი გამოიღოს, ვიდრე მწვრთნელის ჩარევამ.

დღეები, სადაც უბრალო მოლაპარაკებებით ყველაფერი მთავრდებოდა წავიდა. დრო სადაც საკმარისი იყო ფეხბურთელისთვის ,,ოლდ ტრაფორდზე'' მიგეთითებინდა წავიდა. კლუბს საკმაოდ მძიმე დრო უდგას.

საჭიროა, არსებული ფეხბურთელებისგან მაქსიმუმის გაკეთება. თამაში ,,ჩელსისთან'', ,,სიტისთან'', ,,არსენალთან'' კლუბს ოქტომბერში ელის. მხოლოდ მაშინ გაიგებს ლუი, რამდენად ძლიერი ფეხბურთელები ჰყავს მას და რამდენად ძლიერი გუნდი ჩამოაყალიბა.

არც ერთ გუნდს არ შეუძლია დაშორდეს ისეთ ფეხბურთელებს, როგორებიც იყვნენ ვიდიჩი, ევრა და ფერდინანდი და თანაც მაშინ როდესაც ერთ ცენტრალურ მცველსაც კი არ ყიდულობ. ევანსი, ჯონსი და სმოლინგი პერსპექტიული ფეხბურთელები არიან, მაგრამ ზემოთ ჩამოთვლილი ფეხბურთელების შეცვლა მათ ძალზედ გაუჭირდებათ.



ევანსი, ჯონსი და სმოლინგი ხშირად ტრავმიანობენ. მცველის ყიდვა ,,იუნაიტედისთვის'' აუცილებელი ამოცანაა. აკადემიის ფეხბურთელებით გრანდებთან გასვლითი მატჩების ჩატარება უდიდეს სირთულეებს მოუტანს გუნდს.

ფეხბურთელების ფიზიკურმა ფორმამ შთაბეჭდილებების მოხდენა შეძლო. ისინი ჯერ კიდევ ახალ სათამაშო სქემას ეჩვევიან. მათ სურთ დაამტკიცონ, თუ რა შეუძლიათ. მაგრამ დაცვის ცენტრში სიმტკიცე აუცილებელია. მატს ჰუმელსი გერმანიას არ დატოვებს, ვერმაელენი კი ,,ბარსაში'' გადავიდა. აუცილებელია მოიძებნოს მცველი, რომელიც დიდ ავტორიტეტს და გამოცდილებას ფლობს.

ვან გალმა ბევრს მიაღწია იმ ფეხბურთელებთან, ვისთანაც მან იმუშავა. ის კარგ ფეხბურთელებს წვრთნიდა, საბოლოოდ კი ისინი მაღალ დონეზე აიყვანა. ახალგაზრდებისთვის შანსის მიცემა მისი მთავარი მიზანია. თუ ყველაფერი ისე დარჩება, როგორც ახლაა, ,,იუნაიტედი'' ,,ჩელსისა'' და ,,სიტის'' ნახევარდაცვასთან აუცილებლად დამარცხდება. ეს ყველასთვის ნათელია. ერერა კარგი ფეხბურთელია, მაგრამ მას პარტნიორი ესაჭიროება.

დაცვა,ნახევარდაცვა და ფლანგები - ყველა ეს ზონა გამაგრებას საჭიროებს. გამიხარდება თუ ვიყიდეთ ვინგერს, რომელიც მეტ მეტ სიმწვავეს შეჰმატებს ჩვენს შეტევებს.

ვთვლი იანუზაი ვარსკვლავი გახდება. როცა ,,იუნაიტედის'' თავდასხმაზე საუბრობ, თავში მხოლოდ რუნი და ვან პერსი მოგდის აზრად. კლუბს მათი ძლიერი თამაში სჭირდება. მაგრამ გყავს რა შემადგენლობაში იანუზაი, იცი რომ ის მომდევნო 5 წლის განმავლობაში მსოფლიოს ერთ-ერთი საუკეთესო ფეხბურთელი გახდება.



ეს არ არის ხმამაღალი განცხადება, ჩემს სიტყვებში დარწმუნებული ვარ. მის თამაშში მიზანდასახულობა და დიდი შესაძლებლობები შეინიშნება. მისი თვალებს თითქოს ბევრი სურთ და ამბობენ: ვერავინ შემაჩერებს ! გასულ სეზონში მან ძალზედ კარგად ითამაშა და გამიკვირდება თუ წელს უფრო ძლიერად ვერ ითამაშებს.

იანუზაის დიდი სეზონი ელის. შეუძლებელია მისი ასაკიდან გამომდინარე მას 20 და მეტი გოლის გატანა მოსთხოვო. მაგრამ ორი-სამი წლის შემდეგ ეს მისთვის პრობლემა აღარ იქნება.

ვან გალმა პირველივე სეზონში მყარი ფუნდამენტი უნდა შექმნას.ბოლო ორი კვირის განმავლობაში დარწმუნებული ვარ იმაში, რომ ერთი-ორი ახალი შენაძენი კლუბს აუცილებლად ეყოლება. ლუის თავისი ფეხბურთელები სჭირდება.

ვან გალისა და რუნის კავშირმა ბევრი რამ უნდა შექმნას და ,,იუნაიტედი'' მწვერვალზე დააბრუნოს. მათზე ბევრი რამ იქნება დამოკიდებული, თუმცა პირველი სეზონით არ ღირს არაფრის შეფასება, დასკვნები 2-3 წლის შემდეგ უნდა გამოვიტანოთ. ახლა მათ ბევრი აქვთ სამუშაო, ვფიქრობ რომ რუნის დრო მოვიდა, ახლა მისი ჯერია.

წყარო: Redevils.ru