17-08-2014, 15:23

ავტორი: RedGirl,

ნანახია: 1349,

კომენტარები: 7

რუნი: "ჩვენი დრო შემდეგი მატჩიდან იწყება"

უეინს პირადი წარმატება არაფრად მიაჩნია თუ გუნდი აგებს

უეინ რუნიმ განაცხადა, რომ "იუნაიტედი" ჩემპიონატში მალევე დაბრუნდება და "სანდერლენდთან" ჩვეულ სახეს დაიბრუნებს.

"შემდეგ თამაშამდე რვა დღე გვაქვს. სათანადოდ უნდა მოვემზადოთ და ამ თამაშით შედეგი მივიღოთ. ჩვენი სეზონი იქიდან დაიწყება."

"ეს ის თამაში გახლდათ, რომლის მოგება ყველას გვსურდა და გვჭირდებოდა, მაგრამ ვერ მოვახერხეთ. კვირის განმავლობაში, ვარჯისისას უნდა დავუბრუნდეთ იმ თამაშს და ვნახოთ რა შეცდომები დავუშვით, ვეცადოთ გაუმჯობესებას და შემდეგ მატჩში ყველაფერი სწორად გავაკეთოთ."

"თავზარდამცემი სტარტი იყო ჩვენთვის, მაგრამ სვლა უნდა განვაგრძოთ. არ ვართ ბედნიერები, არც მენეჯერია ბედნიერი. ყველაფერს გამოვასწორებთ, ჩვენ ამას შევძლებთ. ვფიქრობ, ჩვენი ყველაზე დიდი შეცდომა არაგუნდური თამაში იყო. გუნდურად თამაში გაცილებით უკეთ შეგვიძლია და ამას დაგანახებთ."

"ცუდი თამაში იყო. მათ ორი შანსი ჰქონდათ და ორივე გამოიყენეს. მაგრამ ეს არ გვამართლებს, უკეთ უნდა დავიცვათ თავი და მეტი მომენტი შევქმნათ. ძალიან იმედგამაცრუებელია პირველი მატჩის წაგება, მაგრამ ჩვენ უნდა მოვახერხოთ დაბრუნება."

"ჩვენ წინასასეზონო ტურნეზე დიდი რწმენით და თავდაჯერებით გამოვდიოდით. აქ იყვნენ ფეხბურთელები, რომლებიც პირველად თამაშობდნენ ჩვენთან ერთად, ან ცოტა თამაში ჰქონდათ ჩატარებული, მაგრამ არც ეს გვამართლებს. ყველა პროფესიონალი მოთამაშეები ვართ და გაცილებით უკეთ გვევალება თამაში. შემდეგ კვირას პოზიტიური შედეგის დადება გვევალება."

"გოლის გატანის შემდეგ, ვიგრძენი რომ შეგვეძლო თამაშის მოგება. ჩვენ თითქოს ყველაფერს ვაკონტროლებდით, მაგრამ სულელური ბურთი გავუშვით. შემდეგ ყველაფერი უფრო და უფრო გართულდა. ამ ყველაფრისგან ბევრი რამ უნდა ვისწავლოთ და უკან მალევე უნდა დავბრუნდეთ."

რუნიმ კაპიტნის სამკლაურზეც ისაუბრა:

"ძალიან საამაყო მომენტი იყო, მაგრამ იმედგამაცრუებელი მომენტი. ეს არ არის ის დრო, რომელსაც წლების შემდეგ გავიხსენებ როგორც კარგ მოგონებას. ყოველთვის მინდა მოგება. სასიამოვნოა, მაგრამ ძალიან იმედგაცრუებული ვარ, რომ წავაგეთ".

manutd.com

სიახლეები

7 კომენტარი

№1

ავტორი: GeorgeBest

17 აგვისტო 2014 15:34

სიახლეები: 1729
კომენტარები: 12134

პოლმა ორი სიტყვით გადმოსცა ყველაზე დიდი პრობლემარაც გუნდის თამაშში იყო. პირველ რიგში უნდა მოეშვან ამ ზედმეტ გადაცემებს და საქმე უფრო სწრაფად აკეთონ. არაა ეს ამერიკული ტურნე ეს პრემიერ ლიგაა და იმედია ეს წაგება არაფერს შეცვლის და იმ შემართებით იქნებიან რა შემართებაც მანამდე ქონდათ

№2

ავტორი: VaRdo

17 აგვისტო 2014 15:40

სიახლეები: 78
კომენტარები: 5516

როდის მოვა ეხლა 24 : )) ჩამაშხამეს გუშინდელი დღე რა. პერსი და ვალენსია მალე დაბრუნდნენ თორე იანგის ყურებით დავიღალე

_ _ _ _ _ _ _ _ _ _ _ _ _ _ _ _ _ _ _ _ “რომ არა კონტროლი, გასახდელში მყოფი 11 მილიონერი აუცილებლად შეეცდებოდა იმქვეყნად გავესტუმრებინე, მაგრამ ახლა ყველამ იცის, რომ თუ ჩემი კონტროლის ფარგლებს მიღმა გავა, იმქვეყნად თავად
გაემგზავრება…” SAF

№3

ავტორი: GeorgianDevil

17 აგვისტო 2014 16:14