ლუი ვან გაალის პირველი პრემიერ ლიგური მატჩი წარუმატებელი აღმოჩნდა და რაც არ უნდა გასაკვირი იყოს, მან დათმო პირველივე თამაში ოლდ ტრაფორდზე "სუონსის" წინააღმდეგ, ანგარიშით 1-2. სწორედ ამიტომ, წარმატებული ტურნეს შემდეგ, საინტერესოა თუ რა პრობლემა ჰქონდა გუნდს გუშინ და რაზე უნდა გაამახვილოს ჰოლანდიელმა ყურადღება.

#1: "იუნაიტედს" ჭირდება გეგმა "C".



"იუნაიტედს" და ვან გაალს აუცილებლად სჭრიდებათ კიდევ ერთი გეგმა. მაგალითად გუშინ მატჩი 3-5-2 ტაქტიკით დაიწყო გუნდმა, თუმცა მას შემდეგ რაც გუნდი აგებდა ანგარიშით 1-0, ვან გაალი
4-4-1-1 ტაქტიკაზე გადავიდა. თავიდან თითქოს ყველაფერი კარგად მიდიოდა, იანუზაი ბევრს აქტიურობდა, რუნიც ბევრს ცდილობდა, მაგრამ შემდეგ 2-ე გოლმა ყველაფერს წერტილი დაუსვა. ამისი გადაფარვა კი ვეღარ შეძლეს ფეხბურთელებმა.

შეტევაში გუნდი ძალიან გაუბედავად და მძიმედ მოქმედებდა. პოლ სქოულზმა განაცხადა: "როდესაც გადავხედავთ გუნდებს წარსულში, ყველაფერი სისწრაფეზე იყო დამოკიდებული. დღეს კი ძალიან ნელ-ნელა ხდება ეს ყველაფერი და ძალიან ბევრ შეხებას აკეთებენ. არ არის საკმარისი სიჩქარე გუნდში." გეგმა "A"-მ არ გაამართლა, არც გეგმა "B"-მ. გეგმა "C" კი ის იქნება, რომ გუნდმა უკეთესი ფეხბურთელები იყიდოს.

#2: დაცვას გაძლიერება ჭირდება.



დაცვას, რომ გაძლიერება სჭირდება ეს უკვე დიდი ხანია ვიცით, მაგრამ ლუი ვან გაალს მაინც უნდოდა ძველი დაცვის გამოცდა.

უნდა აღინიშნოს, რომ ანტონიო ვალენსიას, ჯონი ევანსის და ლუკ შოუს არ ყოფნა გუნდს დაეტყო და ფლანგზე როგორც მცველი მხოლოდ იანგი ირჯებოდა. მიუხედავად იმისა, რომ გუნდს ტრავმები აწუხებს, ეს დაცვა მაინც არ არის ელიტარული, კლუბს აუცილებლად ჭირდება მაღალი დონის 1 მცველი მაინც.

კიდევ ერთხელ, გუნდს ტოპ კლასის ფეხბურთელი ჭირდება. "იუნაიტედი" აპირებს როხოს ყიდვას, რაც თავისთავად კარგია, მაგრამ გუნდმა უნდა "გატეხოს" ბანკი და შეიძინოს გერმანელი მეთს ჰუმელსი.

#3: იანუზაი ინარჩუნებს ვარსკვლავის წოდებას.



გასული სეზონის განმავლობაში ხშირად იყო ისეთი პერიოდი, როდესაც მხოლოდ ადნან იანუზაი იდგა მოედანზე და აკეთებდა თავის საქმეს ბოლომდე. მას არც კი ეშინოდა მარტო შეტევის და რამდენიმე ფეხბურთელის უკან ჩამოტოვება თავისი კარგი მოძრაობებით.

ადნან იანუზაის ძალიან ცოტა ხნით მოუწია დასვენება, პლიუს ამას ის ძალიან ახალგაზრდაა და ასე ადვილად ფორმაში შეიძლება ვერ შედიოდეს. მაგრამ გუშინდელ მატჩში ის ადრე შემოვიდა სტადიონზე, მას შემდეგ რაც ჯესი ლინგარდმა ტრავმა მიიღო და შეიძლება ითქვას, რომ ბელგიელმა თავბრუდაახვია ჯონჯო შელვის. მან მალევე გამოავლინა მისი ნიჭი და ტალანტი. ის კლუბში ყველაზე ნიჭიერი და გამორჩეული ფეხბურთელია, სრულიად შესაძლებელია, რომ ვან გაალმა მასზე ააგოს მთელი სისტემა.

#4: ვან გაალის აზრით, ყველაფერი ეს დროს წაიღებს.



ვან გაალის აზრით, ყველაფერი ეს დროს წაიღებს, რომ განახორციელოს იდეები. მაგალითად "ბაიერნში" ის 13 მატჩის შემდეგ 7-ე ადგილზე იყო მის პირველ სეზონში. მოიგო 5 მატჩი მხოლოდ ნოემბრის ბოლოს.

მათ ეს შეძლეს. ასევე შეძლო "ბარსელონამ", როდესაც პირველივე სეზონში ვან გაალმა პრიმერა მოიგო. იქაც 14 მატჩის შემდეგ გუნდი მხოლოდ 10-ე ადგილზე იყო. ასევე, ვან გაალის ხელმძღვანელობით "აიაქსმა" მხოლოდ 3 სეზონში მოიგო "ერედივიზიონი". სწორედ ამიტომ, ყველაფერი ეს ადვილად არ მიიღწევა და "იუნაიტედის" ფანები მომთმენები უნდა იყვნენ.

#5: ვან გაალი ბავშვებს მისცემს შანს.



არავინ იცის, მხოლოდ ტრავმის გამო თუ, რის გამო, მაგრამ ფაქტია რომ გუშინ ძირითადში განაცხადში 9 ინგლისელი ფეხბურთელი მოხვდა და აქედან 6 ძირითადში. თუმცა არ უნდა დაგვავიწყდეს, რომ სკამზე იჯდნენ ისეთი ფეხბურთელები, როგორებიც არიან მარუან ფელაინი, შინჯი კაგავა და ლუიშ ნანი. ამიტომ, ჯესი ლინგარდს და ტაილერ ბლეკეტს მიეცათ შანსი.

10 ბრიტანელი ფეხბურთელი გუნდში აკადემიის აღზრდილია. ეს პრაქტიკა უკვე დიდი ხანია გრძელდება და 3,701-ე თამაშია, როდესაც "იუნაიტედის" აკადემია გამოვლილებს ეძლევათ შანსი პირველ გუნდში. ეს პრაქტიკა მოდის შორეული 1937 წლიდან. შესაძლოა ლუი ვან გაალმა და რაიან გიგზმა შეინარჩუნონ ეს რეკორდი.

წყარო: DailyMail