1) არასოდეს უნდა განსაჯო საკუთარი გუნდის შესაძლებლობები ამხანაგური მატჩებით
დღეს, ყველანი დავრწმუნდით, რომ ამხანაგური შეხვედრები პრემიერ ლიგასთან ისე შორსაა, როგორც ცა და დედამიწა. რა დასკვნა შეიძლება გამოვიტანოთ დღევანდელი მატჩიდან? მხოლოდ ის, რომ პრემიერ ლიგა სხვა განზომილებაა და თუ აქ მოასპარეზე გუნდებზე 2-3 თავით მაღლა არ დგახარ, იმ გუნდის დამარცხება საგრძნობლად ჭირს. ალბათ ვან გაალს და იმ ძირითად ფეხბურთელებს, რომლებიც მოედანზე იყვნენ დღეს, თავი კვლავ ამერიკაში ეგონათ. შემადგენლობაც სწორედ ესეთი არ იყო? კი ტრავმირებული ფეხბურთელების სია დიდია, მაგრამ როდესაც "იუნაიტედი" გქვია საკუთარ არენაზე ესე უსუსურად არ უნდა გამოიყურებოდე. ერთი რამ კი ფაქტია. სუონსმა ცივი შხაპი გადაგვავლო და ყველა ერთად გამოგვაფხიზლა იმ ლამაზი სიზმრიდან, რომელსაც "ამერიკული ტურნე" ერქვა!
2) ერთი მერცხალი გაზაფხულს ვერ მოიყვანს
კოშმარული სეზონის შემდეგ დადგა 2014/15 წლის სეზონი. გავიდა 2-3 თვე, გაიხსნა სატრანსფერო ფანჯარა, გუნდები გააქტიურდნენ და ყველაზე პასიური ამ გუნდებს შორის რაოდენ გასაკვირიც არ უნდა იყოს 7–ე ადგილსოანი იუნაიტედია. ისმის კითხვა, რატომ? ვისი ან რისი ბრალია ის, რომ "მანჩესტერი" ხმაურიან ტრანსფერს ვერ აკეთებს? გლეიზერების? ვან გაალის თუ ვუდვორდის? ნუ თუ ამ პიროვნებებს ჰგონიათ, რომ ერერას ტრანსფერი "ჩემპიონობის" ტოლფასი იყო? ან საერთოდ გაამართლებს კი ეს ფეხბურთელი? ბევრი კითხვის ნიშანი ჩნდება, მაგრამ პასუხები არსად ჩანს. დროა ყველა ერთად შეიკრიბოს, სანამ ჯერ კიდევ გვიან არაა და სერიოზული ზომები გაატარონ გუნდში. ყველამ უნდა გაიაზროს, რომ ვერც ერერა და ვერც ლუკ შოუ ძველ იუნაიტედს ვერ დაგვიბრუნებენ. გუნდში უფრო რადიკალური ზომებია მისაღები და ამისთვის არც მეტი არც ნაკლები 2 კვირაღა დარჩა. იმედს ვიტოვებ, დღევანდელი შეხვედრა ერთგვარი გაკვეთილი იქნება ვან გაალისთვის და მთლიანად გუნდის ხელმძღვანელობისთვის, წინააღმდეგ შემთხვევაში კიდევ 1 იმედგაცრუებულ სეზონს "იუნაიტედის" გულშემატკივრები ვეღარ გადაიტანენ.
3) უსარგებლო და არაფრის მომცემი ფეხბურთელები
როდემდე უნდა იყოს მსოფლიოში ერთ–ერთი საუკეთესო გუნდის ნახევარდაცვა ყველაზე სუსტი? დღეს, როდესაც გუნდები კოლოსარულ თანხებს იხდიან ფეხბურთელებში, რათა პოზიციები უფრო გააძლიერონ, ამ დროს "იუნაიტედი" რას აკეთებს? ელოდება ფლეტჩერს როდის ჩადგება ფორმაში, რადგან წელწიად ნახევარი გაუცდა და ფორმას აღდგენა სჭირდება. დღეს, როდესაც ყველა გუნდი ცდილობს თითო პოზიციაზე 1, ან 2 კარგი ფეხბურთელი ჰყავდეს, "იუნაიტედი" რას შვება? ელოდება როდის შეისხავს ლუიშ ნანი ფრთებს და როდის დაიპყრობს მწვერვალებს. აღარაფერს ვამბობ იანგზე, რომელიც ვერასოდეს გახდება "იუნაიტედის" დონის ფეხბურთელი. არსენალი, ჩელსი, ლივერპული, სიტი, ტოტენჰემი და ევერტონი. ეს ის გუნდები არიან რომელთა ნახევარდაცვაც და დაცვაც ორი თავით მაღლა დგას "მანჩესტერის" ნახევარდაცვასთან და დაცვასთან. დღეს კი თუ ეს 2 პოზიცია სუსტი გაქვს, რაოდენ მომაკვდინებელი წინა ხაზიც არ უნდა გყავდეს შანსი წარმატების არის მიზერული. ასე და ამგვარად დროა გუნდში წმენდა დაიწყოს და მინიმუმ 4-5 ფეხბურთლემა გუნდი დატოვოს დაუყოვნებლივ.
4) ტრანსფერები საჭიროა ისე როგორც არასდროს.
დღევანდელი წაგება მარტო იმისთვის ღირდა ალბათ, რომ ლუის ვან გაალი გამოსულიყო და ეთქვა. "ტრანსფერები გვჭირდება". დიახ, სწორედ ასეთი კომენტარი გააკეთა იუნაიტედის ახალმა მწვრთვნელმა მატჩის შემდგომ. განა სხვა რამეს მოვითხოვდით ამდენი ხანი თითოეული ჩვენთაგანი? ყველამ საკმარისი დრო მიიღო საკუთარი შესაძლებლობების დასამტკიცებლად, მაგრამ ვერცერთმა მატგანმა ვერ გაამართლა. დროა ეს ფეხბურთელები ახალმა, გამოცდილმა და ძლიერმა ფეხბურთელებმა ჩაანაცვლონ. ეს იუნაიტედია და არა "სუონსი" ან "ასტონ ვილა", რომელთა მაქსიმუმიც ევროპის საგზურია. ეს ის გუნდია, სადაც უმაღლესი დონის ფეხბურთელები თამაშობდნენ და თითოეულ მათგანს პირადად შეეძლოთ მატჩში ბედის გადაწყვეტა. როდესაც მოწინააღმდეგე გუნდის ფეხბურთელებს თამაში უწევდათ ისეთ ფეხბურთელებთან, როგორებიც იყვნენ, კანტონა, სქოულზი, ბექჰემი, გარი ნევილი, ჯორჯ ბესტი, ლავ დენისი, კ.რონალდო და რუდ ვან ნისტელროი მათ შიშის ზარი სცემდათ და ფსიქოლოგიურად უკვე 1:0 აგებდნენ მოედანზე. დღეს კი ვინ გვყავს? ვის იმედზე ვართ? ფლეტჩერი, ქლევერლი, ფელაინი, ჩიჩარიტო, ნანი, იანგი და ა.შ. ყველაზე უსუსრი გუნდი მთლიანად "იუნაიტედის" არსებობის მანძილზე. ( ერთ–ერთი მაინც ) სასწრაფოდ გვესაჭიროება მინიმუმ 3 კარგი ტრანსფერი საჭირო პოზიციებაზე და ამსითვის სულ 2 კვირაა დარჩენილი. იმედი ვიქონიოთ, რომ ამ 2 კვირაში ვან გაალი და ვუდვორდი ყველაფერს გააკეთებენ იმისთვის, რომ "იუნაიტედს" დიდება დაუბრუნონ.
ავტორი: დათო ვარდოსანიძე