1997 - 2000 წლებში კამპ ნოუზე ან მუშაობდნენ, ან თამაშობდნენ ისინი ვინც ახლა "იუნაიტედის", "საუთჰემტპონის", "ჩელსის", "ბაიერნის", "აიაქსის", "პსვს" და "ბარსელონას" თავკაცები არიან.



ლუის ენრიკე, ფილიპ კოკუ, ფრანკ დე ბური, პეპ გუარდიოლა, რონალდ კუმანი და ჟოზე მოურინიო. შეიძლება ითქვას, რომ ყველა მათგანი სწორედ ლუი ვან გაალის დიდი დამსახურებითაა წარმატებული მწვრთნელი.

1997 წელს ვან გაალი "ბარსელონაში" მივიდა, მაშინ "ბარსელონას" თავკაცი ბობი რობსონი იყო, თუმცა ვან გაალმა შეძლო მისთვის ადგილის ართმევა. ვან გაალმა სამწვრთნელო შტაბში ჟოზე მოურინიო მიიწვია.

ცენტრალურ ზონაში მაშინ პეპ გუარდიოლა და ლუის ენრიკე თამაშობდნენ. რონალდ კუმანი მწვრთნელის თანაშემწედ მიიწვიეს, ხოლო ერთი წლის შემდეგ კლუბმა ფრანკ დე ბურიც შეიძინა.

აქვე მოკლე ისტორია იმის შესახებ თუ როგორ ნახა ბრიტანელმა ჟურნალისტმა ლუი ვან გაალი სადილის დროს. როგორც მისი ფანი ის მასთან მივიდა: "ეს ადამიანი, - ეუბნებოდა ჟურნალისტი თავის ცოლს - "მსოფლიოს ყველა დროის ერთ-ერთი საუკეთესო მწვრთნელია. მან თანამედროვე ფეხბურთი მოიგონა".

როდესაც დაფიქრდა და მიხვდა, რომ ცოტა ზედმეტი მოუვიდა ეპითეტეპთან მან ვან გაალს შეხედა, ლუიმ გაიღიმა და თავი დაუკრა.

შესაძლოა ვან გაალს არ მოუგონებია თანამედროვე ფეხბურთი, თუმცა როლი, რომელიც მან ბევრი თანამედროვე ტოპ მწვრთნელის წარმატებაში ითამაშა ძალიან დიდია. "არ ვარ დარწმუნებული, რომ ვან გაალი საუკეთესოა, თუმცა ერთ-ერთი საუკეთესო ნამდვილადაა. - ამბობს გუარდიოლა - "მე ბევრი რამ ვისწავლე მისგან. მე მინდა მისგან გავიგო გააკეთებდა თუ არა ყველაფერს ძველებურად კიდევ ერთხელ რომ ჰქონოდა ამის შანსი".



ვან გაალის პირველმა ორ სეზონმა "ბარსელონაში" ორი ტიტული მოუტანა კლუბს. მესამე სეზონის დროს კი რივალდოსთან კონფლიქტის შემდეგ ვან გაალმა კლუბი დატოვა.

ნათელია, რომ ამდენი ნიჭიერი ადამიანის ერთად ყოფნამ დაახლოვა "ბარსელონა" და "აიაქსი". რობსონიც კი შეიძლება მათ დავუკავშიროთ, რადგანაც "ვესთ ბრომვიჩში" თამაშის დროს მას ვიკ ბუკინგემი წვრთნიდა, ადამიანი რომელსაც "აიქსიც" ჰყავდა გაწვრთნილი და "ბარსელონაც".

თუ "აიაქსში" მყოფი ფეხბურთელი გონივრულად და კარგად თამაშობდა, "ბარსელონაში" იგი თავს ისე გრძნობდა, როგორც თევზი წყალში. ბევრი ახალგაზრდა ტალანტი ჩაირიცხა "ბარსელონაში" სწორედ "აიქსის" საფეხბურთო სკოლის გავლის შემდეგ. ეს დიდწილად კრუიფის დამსახურებაა, როცა ის აკადემია La Masia-ში მუშაობდა.



პეპ გუარდიოლა ამ აკადემიის კიდევ ერთი წარმომადგენელია. ის აქ ჩამოყალიბდა და სწორედ აქ მიიღო პირველი სამწვრთნელო გამოცდილება.

მან ვან გაალის პირველი სეზონის დიდი ნაწილი ტრავმის გამო გამოტოვა, თუმცა იყო ჭორები, რომ მას არ სურდა ვან გაალთან თამაში. ყველაფერ ამას მოყვა ვან გაალის შემდეგი სიტყვები: "მე გუარდიოლა კაპიტანი გავხადე. მაშინაიც კი შეგეძლოთ გენახათ, რომ ტაქტიკურად გამართული ფეხბურთელი იყო. შეეძლო ელაპარა, როგორც მწვრთნელს. მაშინ ეს ბევრს არ შეეძლო."

გუარდიოლა არა მხოლოდ მწვრთნელის დანაბარებს ატყობინებდა ფეხბურთელებს, არამედ თავის ვარიანტებსაც სთავაზობდა.

ერთ-ერთი ასეთი სიტუაციის დროს გუარდიოლმა ემუდარებოდა ვან გაალს ეპატიებინა ხრისტო სტოიჩკოვისთვის, რომელიც დისციპლინის დარღვევის გამო მეორე გუნდში ვარჯიშობდა. ამის შემდეგ ხრისტო კიდევ ერთხელ შეცდა და ბოლოს გვარდიოლა დაეთანხმა მწვრთნელს - ვან გაალი მართალი იყო.



არ შეიძლება ითქვას, რომ გუარდიოლა ვან გაალის კლონი გახდა. პეპი უფრო კრუიფის სტილს მისდევდა, ვიდრე ვან გაალის. ორივე მწვრთნელი "აიაქსის" 4-3-3-ზე გაიზარდა, რომელიც საჭიროების შემთხვევაში 3-4-3-ად გადაიქცევა. ვან გაალმა სერიოზული გადაწყვეტილება მიიღო, როცა "ალკმაარშიც" და ჰოლანდიის ნაკრებშიც ვინგერების გარეშე თამაში გადაწყვიტა. გასაგები რომ იყოს, მწვრთნელი რომელიც "აიაქსის" სტილს ყველაზე მეტად მისდევდა ფრანკ დე ბურია. რაც გასაკვირი არ უნდა იყოს, რადგანაც ის აკადემიის კიდევ ერთი წარმომადგენელია.



ძირითადი სქემისგან ყველაზე შორს ჟოზე მოურინიო წავიდა. ესეც არ არის გასაკვირი, რადგანაც ჟოზეს არავითარი კავშირი არ აქვს ლა მაისეს აკადემიასთან.

მოურინიოს მუშაობამ პოზიციურ თამაშზე ისეთი შთაბეჭდილება მოახდინა ვან გაალზე, რომ ის ჟოზეს რჩევების მიცემის და ტაქტიკური ცვლილებების განხორციელების უფლებასაც აძლევდა.

მოურინიოს თავდაჯერებულის ზრდასთან ერთად ვან გაალმა შეამჩნია, რომ ჟოზე ამპარტავან პიროვნებად გადაიქცა, რომელიც ავტორიტეტებს არ აფასებს. "ის არ იკავებდა თავს შემოსულიყო ჩემთან პოლემიკაში თუ რაიმე არ მოსწონდა.

სწორედ ამიტომ მის აზრს ყველაზე მეტად ვაფასებდი. ჩემი ფილოსოფია ყოველთვის იყო შემტევი სტილი, მისი კი პოზიციური თამაში, რადგანაც მე ხალხისთვის სიამოვნების მინიჭება მინდოდა მას კი მხოლოდ მოგება. სწორედ ამაშია განსხვავება."

სწორედ ეს ორი განსხვავებული ფილოსოფია ერთმანეთს კიდევ ერთხელ დაუპირისპირდება. ამჯერად ინგლისში. ლუი ვან გაალის "მანჩესტერი" და ჟოზე მოურინიოს "ჩელსი", ეს იქნება დიდი მოვლენა და ორი დიდი მწვრთნელის, მასწავლებელის და მოსწავლის დაპირისპირება.

ეს ბოლო განცხადება ეჭვქვეშ იყო 2014 წლის მსოფლიო ჩემპიონატზე, სადაც ჰოლანდიის ნაკრები უმეტესწილად კონტრშეტევებზე თამაშობდა.

საქმე იმაში არაა ვის როგორი ფილოსოფია აქვს, ვის როგორი ხედვა, საქმე იმაშია, რომ ვან გაალმა შეძლო ყველანაირი ხასაითის და დიდი ნიჭის მქონე ადამიანების გაწვრთნა და იმის მიცემა, რასაც ყოველი მათგანი კარიერის ბოლომდე ვერ დაუბრუნებს მას.