ჰოლანდიელმა სპეციალისტმა რამდენჯერმე განაცხადა, რომ ვან პერსი გუნდს ჯერ არ შეურთდებოდა, რადგანაც მან ყველა სხვა ფეხბურთელზე უფრო გვიან დაიწყო ვარჯიშები და სრულ მზადყოფნაში არ იმყოფება. დღევანდელი წაგებული მატჩის შემდეგ კი ჟურნალისტებმა ვან გალს კვლავ გამოკითხეს თანამემამულის მდგომარეობა.
,,ამ შეკითხვას იმიტომ მისვამთ, რომ ჩვენ თამაში წავაგეთ. მოედანზე გამოსასვლელად ფეხბურთელს ფორმაში ყოფნა სჭირდება. დღეს პირველივე წუთებიდან არ შემეძლო მარუან ფელაინისა და ადნან იანუზაის გამოყენება, რადგანაც ისინი მსოფლიო ჩემპიონატიდან გვიან დაბრუნდნენ. ვან პერსი მათზე ერთი კვირის დაგვიანებით შემოგვიერთდა, მაგრამ ის უკვე სამი კვირაა რაც ვარჯიშებს გადის და დაბრუნებასთან ახლოსაა'' - განუცხადა ,,წითლების'' თავკაცმა ჟურნალისტებს.