დღეს, "ოლდ ტრაფორდზე" "მანჩესტერ იუნაიტედი" "სუონსს" უმასპინძლებს, სწორედ ეს მატჩი გახსნის პრემიერ ლიგის 2014/15 წლის სეზონს. შეგახსენებთ იმასაც, რომ ეს ვან გაალისთვის პირველი ოფიციალური მატჩი იქნება "იუნაიტედის" მწვრთნელის რანგში. მანჩესტერელები სეზონს ტრავმებით ხვდებიან. ლუკ შოუ ტრავმის გამო ერთი თვით გამოეთიშა ასპარეზობას, ევანსმა "ვალენსიას" წინააღმდეგ ანხანაგური შეხვედრა ვერ ითამაშა და გუნდის ლაზარეთში მაიკლ კერიკსა და ანტონიო ვალენსიას შეუერთდა. გუნდის თავკაცის თქმით, რაფაელმა ტრავმა მოიშუშა და მზადაა მოედანზე გამოსასვლელად. რობინ ვან პერსის მონაწილეობა საეჭვოა მისი ფიზიკური მდგომარეობის გამო. ალბათ მარჯვენა ფლანგზე მცველი-ნახევარმცველის პოზიციაზე ეშლი იანგი დადგება. ძირითად შემადგენლობაში დებიუტის შანსი აქვთ ტაილერ ბლეკეტსა და რის ჯეიმსს.

შემადგენლობა

ძირითადი: De Gea; Jones, Smalling, Blackett; Lingard, Fletcher, Herrera, Young; Mata; Rooney (c), Hernandez

სათადარიგო: Amos, James, M Keane, Fellaini, Kagawa, Nani, Januzaj