ვან გაალმა ყოველგვარი ჭორი უარყო და კიდევ ერთხელ განაცხადა, რომ არ აპირებს მედიასთან ტრანსფერებზე საუბარს.

"მე მინდა დავეხმარო ჩემს გუნდს. მხოლოდ მაშინ მექნება მათი განსჯის უფლება, როცა მათი მწრთვნელი და ტრენერი ერთად გავხდები. ვანხორციელებ ჩემს ფილოსოფიას და უკვე ისიც ვიცი როგორ გამოიყენებენ ბიჭები მას."

"მხოლოდ ამერიკის ტურნე არ აღმოჩნდა საკმარისი. ჩემს ფეხბურთელებს კიდევ ორ კვირას ვაძლევ. ვფიქრობ, რომ ეს სამართლიანია. ამიტომაც ჩვენ მხოლოდ ლოდინიღა დაგვრჩენია. უნდა ველოდოთ და ველოდოთ. ფეხბურთელის ყიდვა კი 24 საათშიც შესაძლებელია, დამიჯერეთ. ეს პრობლემა არ არის."

"რათქმაუნდა, შემიძლია თქვენთან გავიარო ყველა ტრანსფერის თემა, მაგრამ ამას არ გავაკეთებ. ამ ყველაფერს ედ ვუდვორდთან გავარკვევ და არა თქვენთან, მედიასთან."

ვან გაალი აცხადებს, რომ წინასასეზონო ტურნე ძალიან მამოტივირებელია მისთვისაც და ფეხბურთელებისთვისაც. "იუნაიტედს" რწმენა შეემატა. ჰოლანდიელი კი ძალიან მოტივირებულია "ოლდ ტრაფორდზე" მუშაობით და ყველაფერს აკეთებს, რომ "მანჩესტერის" კულტურას შეეჩვიოს.

"ხალხი ყოველთვის უამრავ ტიტულს ელის. ეს მხოლოდ "იუნაიტედში" არ ხდება, იმავე ხდება "ჩელსიში", "სიტისა" და "ლივერპულში". ყველა განსაკუთრებულად არის განწყობილი წინასასეზონოდ, მაგრამ ჩვენ რამდენიმე გუნდის დამარცხება შევძელით დამარცხება შევძელით და ამან მეტი რწმენა შეგვმატა. დიდი კლუბები დავამარცხეთ, ამიტომაც არის, რომ მოლოდინი დიდია."

"შენ ამ მოლოდინის გამართლება გიწევს და ეს ძალიან რთულია. მაგრამ ამას უნდა შევეგუოთ. ჩვენ "მანჩესტერ იუნაიტედი" ვართ და ეს უნდა შევძლოთ. მე ბევრ პრესკონფერენციაში ვთქვი, რომ "იუნაიტედში" ყველაფერს ვერ შევცვლი, ამ კულტურას უნდა ავუწყო ფეხი. ეს პროცესია და ამ პროცესის გასავლელად ნაბიჯების გადადგმაა საჭირო. ხანდახან დიდ ნაბიჯებს დგამ, ხანდახან ვარდები. მაგრამ ამ დროს შენ შენი თავი უნდა წამოაყენო და ახალი, უფრო დიდი ნაბიჯების გადადგმა დაიწყო. ეს ხდება სწორედ. ჩემპიონი ოქტომბერში არ ვლინდება, "პრემიერ ლიგის" ჩემპიონობის გვირგვინს მაისში იდგამენ."

როდესაც ჟურნალისტებმა ჰკითხეს შეცვლის თუ არა 3-5-2 წყობას "სუონსისთან" მატჩისთვის ტრამვიანობის გამო, მან ასეთი პასუხი გასცა:

"არა, იმიტომ რომ ეს ტაქტიკა ამ ფეხბურთელებთანაც გამოვცადე. გაგრძელება შეცვლაზე მარტივია."

"ტაილერ ბლეკეტმა კარგად ითამაშა. ეს მოხდა მაშინ როცა ჯონი ევანსი კარგად გრძნობდა თავს. ამ პოზიციაზე უნდა იდგეს მარცხენა მცველი და ეს ახალგაზრდა ის არის ვინც მე ახლა მჭირდება."

"მე სამი კრეატიული ფეხბურთელი მყავს გუნდში. ამ ყველაფერს გუნდურად შევძლებთ. ალბათ ყველამ ნახეთ ჰოლანდია მსოფლიო ჩემპიონატზე, იმავეს გაკეთებას ვაპირებ "იუნაიტედშიც", უბრალოდ ამას დრო სჭირდება".

manutd.com