სერ ალექსის ბოლო შენაძენი, რომელიც მან ,,იუნაიტედს'' საჩუქრად დაუტოვა უილფრიდ ზაჰა გახლავთ. შოტლანდიელმა მოიწონა 15 მლნ ფუნტის შენაძენი, რომელმაც ,,კრისტალ პალასში'' შესანიშნავი სეზონი ჩაატარა. დევიდ მოიესმა კი ზაჰა არენდით ,,კარდიფში'' გაუშვა, თუმცა ვილფრიდმა აქ თავის გამოჩენა ვერ მოახერხა. ,,მანჩესტერს'' მოცემული მომენტისათვის ნადმვილად არ ჰყავს ისეთი მოხერხებული და სწრაფი ვინგერი, რომელიც მეტოქის საჯარიმოში უამრავ ხიფათს შექმნიდა, გამბედავად წავიდოდა წინ, მცველებს მოატყუებდა და სიტუაციას გაამწვავებდა, როგორც ამას ხშირ შემთხვევაში კრიშტიანუ რონალდუ და არიან რობენი აკეთებენ.
ზაჰას ძლიერი მხარეები – დრიბლინგი და საგოლე მომენტების შექმნა. მარცხენა ფლანგიდან მისგან უფრო მეტი ხიფათი მოდის ვიდრე ეშლი იანგისგან. მოგეხსნებათ ეს უკანასკნელი ვან გალმა სწორედ მარცხენა ფლანგის მცველის პოზიციაზე მოგვივლინა წინასასეზონო ტურნეზე. ვან გალის მოსაზრებით ზაჰა დაკარგულ ბურთზე არ იბრძვის და დაცვაშიც ნაკლებად თამაშობს. სწორედ ამის გამო კარგავს ის შანსს მოხდეს ფლანგზე 5–3–2 ფორმაციის დროს.
მას რჩება მხოლოდ ერთი, გაიბრძოლოს ცენტრფორვარდის პოზიციაზე, სადაც მისი კონკურენტები ისეთი ფეხბურთელები არიან, როგორებიცაა რუნი, ვან პერსი, იანუზაი, ჩიჩარიტო, უილსონი და უელბექი.
ვან გალმა პრესას უკვე განუცხადა ,რომ იმ ფეხბურთელების სია რომელიც მას არ სჭირდება უკვე მზადაა. დიდად სავარაუდოა რომ ამ სიაში უილფრიდ ზაჰაც ვიხილოთ.
ძირითადში მოხვედრის შანსები ძალიან დაბალია. ტურნეზე გამორჩეული შთაბეჭდილებების მოხდენა უილფრიდმა ვან გალზე ვერ მოახერხა. მაგრამ მისი ასაკიდან გამომდინარე (21 წელი) ვან გალი მას დიდი ალბათობით კიდევ ერთ შანსს მისცემს.



შესაძლოა ვან გალმა ზაჰა განაპირა მარცხენა თავდამსხმელის პოზიციაზე გამოიყენოს, ჰოლანდიის ნაკრებში ამ პოზიციაზე ვან გალი მემფის დეპაის ათამაშებდა. მაგრამ ისეთ კომპონენტებში, როგორიცაა შეტევების დასრულება და კომბინაციური თამაში, ზაჰა აშკარად ჩამოუვარდა მის თანაგუნდელებს თავდასხმაში. მისი თამაში სიჩქარესა და ფინტებზეა დამყარებული, ეს კი არც ისე საკმარისია.
უილფრიდი ტურნეზე თავის გამოჩენის საკმაოდ დიდ შანსს ფლობდა. თუ არ ჩავთლით რამოდენიმე გაქცევას ფლანგზე, მისი თამაში დიდ სიამოვნებას ვერ ტოვებდა, ბევრი დაკარგული ბურთი და ორთაბრძოლების წაგება.
შეგიძლიათ ზაჰას მოქმედებებს ადევნოთ თვალი წინასასეზონო ტურნეზე ,,ინტერთან'' გამართულ მატჩში, სადაც ფორვარდის პოზიციაზე ვერაფრის ჩვენება ვერ მოახერხა.

შეუიარაღებელი თვალითაც კარგად ჩანს, რომ ის ხშირად კარგავს ბურთს და ხშირადვე ეცემა. მის მიერ მიღებულ გადაწყვეტილებებშიც ძნელია რაიმე მოსაწონის დანახვა.


1.ღებულობს ბურთს და გვერდს უვლის პირველ მოწინააღმდეგეს.
2.გვერდს უვლის მეორე მოწინააღმდეგეს და შედის საჯარიმოში .
3.ნაჩქარევი დარტყმა რომელიც არაზუსტი გამოდგება.

ახალგაზრდა ინგლისელის მომავალი ან ,,იუნაიტედის'' სათადარიგოთა სკამია, ან ,,ოლდ ტრაფორდის'' დატოვება.
თუ ჭორებს დავუჯერებთ ჰოლანდიელმა უკვე მიუთითა ზაჰას კლუბის დატოვებაზე, მისი მომავალი კლუბი ,,საუთჰემპტონი'' ან კვლავ ,,კრისტალ პალას'' გახდება !

Carrick.ru