"მანჩესტერ იუნაიტედის" ნახევარმცველი, დარენ ფლეთჩერი აცხადებს, რომ ახალ კამპანიასთან ერთად მოედანზე გასვლა და იქ გმაოწვეული შეგრძნება არის ის, რაც არასოდეს დაავიწყდება.
"წითლები" "ოლდ ტრაფორდზე" "სუონსის" ხვდებიან, რითიც პრემიერ-ლიგის ჩემპიონატს დაიწყებენ და ეს ამავდროულად ლუი ვან გაალის სადებიუტო შეხვედრაც იქნება.
ფეხბურთელები "ოლდ ტრაფორდს" წარმატებით დაუბრუნდნენ სამშაბათს, "ვალენსიასთან" შეხვედრაში. დარენ ფლეთჩერი მოუთმენლად ელოდება სეზონის განახლებას.
"პირველ მატჩს ყოველთვის თავიდან დაწყების საშუალებად მივიჩნევთ. ენერგიისგან ივსები და ამაღელვებელ მხარდაჭერას გრძნობ, რომელიც ფანებისგან არის გამოწვეული და ფიქრობ შესაძლებლობებზე, რომლებიც სეზონის მსვლელობისას გაქვს. ხვდები, რომ დიდი ენერგიის დახარჯვა მოგიწევს, რადგანაც პრემიერ-ლიგა ძალიან რთული ლიგაა, მაგრამ ყველა 0 ქულიდან იწყებს და ჩვენ ყოველთვის ჩემპიონობისთვის ვიბრძვით."
"პირადად მე, "ოლდ ტრაფორდზე" თამაში ყოველთვის მენატრება მთელი ზაფხულის განმავლობაში, მენატრება მთელი სეზონის განმავლობაში. არ არსებობს უფრო დიდი გრძნობა, ვიდრე აქ გასვლაა - ეს ინგლისის უდიდესი სტადიონია, ეს უდიდესი კლუბია და ხვდები თუ რა ბედნიერი ხარ, რომ აქ თამაშობ. იცი, რამდენი ადამიანი ელოდება შენს თამაშს, მაგრამ მნიშვნელოვანია ის, რომ ეს გამოწვევა მიიღო - ეს არის ის, რასაც "მანჩესტერ იუნაიტედის" ფეხბურთელი განიცდი."