"მანჩესტერ იუნაიტედის" თავკაცმა, ლუი ვან გაალმა ფართოდ ახსნა მიზეზი იმისა, თუ რატომ დანიშნა უეინ რუნი "მანჩესტერ იუნაიტედის" კაპიტნად.
Aon Training Complex - ზე პირველი ვარჯიშის შემდეგ "მანჩესტერ იუნაიტედის" მთავარმა მწვრთნელმა ახსნა თუ რა დაინახა რუნიში უშუალოდ მატჩებისა და ვარჯიშების დროს.
ვან გაალი თვლის, რომ რუნის კაპიტნის სამკლაურის გადაცემით უდიდესი პასუხისმგებლობა დააკისრა, მაგრამ ამავდროულად მიიჩნევს, რომ 28 წლის ფორვარდი იდეალური კანდიდატია.
როცა ჰკითხეს, თუ რატომ აირჩია რუნი კაპიტნად, ვან გაალმა თქვა: "მისი შეხედულების გამო რა თქმა უნდა. ეს უფრო მეტად ჩანს მოედანზე და სავარჯიშო სტადიონზე. არა იმდენად მოედანს გარეთ, მაგრამ ავუხსენი მას, რომ მოედნის გარეთაც მნიშვნელოვანია ჩემთვის."
"მან პასუხისმგებლობა იკისრა და მე ის ძალიან მომწონს: მისი ვარჯიში და მისი თამაში, მისი ურთიერთობა მოთამაშეებთან."
"სამშაბათს მას ვუთხარი, რომ იქნებ ძალიან რთულია მისთვის კაპიტნობა. მაგრამ ნუ იდარდებთ მან მითხრა, ნუ იდარდებთ. აშშ-ში მან ბევრი გოლი გაიტანა და საგოლე პასებიც გააკეთა. მე ასეთი უეინის ხილვა მსურს."
ვან გაალს ასევე ჰკითხეს ჰქონდა თუ არა საბარი სერ ალექსთან.
"არა, აქამდე დრო არ მქონია იმისა, რომ ეს გამეკეთებინა და ისიც კი არ ვიცი სახლშია თუ არა. მან დამირეკა, მაგრამ ძალიან დაკავებული ვიყავი. აი ეს არის მიზეზი."