იტალიელი ,,მანჩესტერში'' 1999 წელს ვენეციიდან გადმობარგდა 4.5 მლნ ფუნტად. ლეგენდარული პეტერ შმეიხელი კი კლუბიდან ახალი წასული იყო და იტალიელსაც დანიელის შემცველად მოიაზრებდნენ.
ყველაფერი კი სხვაგვარად წავიდა.
ტაიბიმ მხოლოდ ოთხი მატჩი ჩაატარა და დაუშვა შეცდომა რომელიც ,,ოლდ ტრაფორდზე'' დღესაც ახსოვთ. იანვარში ის არენდით გადავიდა ,,რეჯინაში'', ზაფხულში კი საბოლოოდ დატოვა ,,მანჩესტერი'' და ,,რეჯინაში'' გადავიდა.
ჰენრიკ ლარსონი
ლარსონმა მხოლოდ 2 თვე ითამაშა ,,იუნაიტედში''. მაგრამ გუნდის წარმატებაში მისი როლი ძნელად შესაფასებელია. შვედი ,,ჰელსინბორგიდან'' იქნა არენდით აყვანილი 2007 წლის იანვარში, მან 13 თამაშში 3 გოლის გატანა მოახერხა. სადებიუტო მატჩშივე გაიბრწყინა ფედერაციის თასზე ,,ასტონ ვილას'' წინააღმდეგ, სადაც ,,წითელმა ეშმაკებმა'' 2-1 იმარჯვეს. მეორე გოლი მან ,,უოტფორდს'' გაუტანა ჩემპიონატში, მესამე კი ,,ლილს'' ჩემპიონთა ლიგაზე.
,,იუნაიტედს'' ფეხბურთელთან განშორება 12 მარტს მოუწია, ის თავის მშობლიურ კლუბში დაბრუნდა. თუმცა მისმა არ ყოფნამ გუნდს პრემიერ ლიგა მოაგებინა. მოგვიანებით სერ ალექსმა კი ლარსონზე ასეთი კომენტარი გააკეთა :,,მან ფანტასტიურად ითამაშა.მისი პროფესიონალიზმი, მიდგომა საქმესთან, არაჩვეულებრივი იყო. წარმატებს ვუსურვებ მას მომავალ კარიერაში'' როდრიგო პოსებონი
რაფაელისა და ფაბიოს შეძენასთან ერთად, სკაუტებმა როდრიგო პოსებონიც გაიფორმეს. კლუბის ხემძღვანელობა მასში დაცვის მომავალ ლიდერს ხედავდა.
ადაპტირებისთვის მას 6 თვე მიეცა, თუმცა თავის გამოჩენა ვერ შეძლო, მხოლოდ 6 მატჩი ითამაშა და სულ მალე ,,სანტოსში'' გადაბარგდა, სადაც ასევე ვერ შეძლო თავის გამოჩენა. ამჟამად ის 25 წლისაა და ბრაზილიის მეორე დივიზიონში ასპარეზობს. მანუჩო
,,მანჩესტერმა'' ანგოლური თავდამსხმელი 2008 წელს გაიფორმა. ის მაშინვე ,,პანათინაიკოსში'' იქნა განათხოვრებული.ბერძნული კლუბიდან დაბრუნების შემდეგ მისი ადგილის პოვნა გუნდში ვერ მოხერხდა და ,,ჰალ სიტიში'' იქნა გაყიდული.
შემდეგ იყო გადასვლა ,,რეალ ვალიადოლიდში'', ამჟამად კი მანუჩო ,,რაიო ვალეკანოში'' ასპარეზობს.
პიტერ ბირდსლი
როი ატკინსონმა ახალგაზრდა ინგლისელი თავდამსხმელის შესაძენად ,,ვანქუვერ ვაითქეპს'' 250 000 ფუნტი გადაიხადა.მაგრამ ბირდსლიმ მხოლოდ ერთი მატჩი ჩაატარა ახალი კლუბის მაისურით და კვლავ კანადაში გაბრუნდა.
ბირდსლი ინგლისში კვლავ დაბრუნდა, მან ჯერ ,,ნიუკასლთან'' გააფორმა კონტრაქტი, შემდეგ კი ,,ლივერპულში'' გადავიდა, სადაც ჯონ ოლდრიჯთან და ჯონ ბარნსთან ერთად შესანიშნავი შემტევი ტრიო შექმნა, რომელმაც ,,ლივერპულს'' 2 ჩემპიონობა მოუტანა.
იესპერ ბლომკვისტი
თუ თქვენ გუნდში მხოლოდ ერთი სეზონის ჩატარებას აპირებთ და თანაც ისე რომ სეზონის ბოლოს ტრებლი მოიგოთ, მაშინ ეს ისტორია თქვენთვისაა.
ბლომკვისტმა მნიშნელოვანი როლის შესრულება მოახერხა გუნდის წარმატებაში. შვედი ფინალშიც თამაშობდა და ის შერინგემის მიერ იქნა შეცვლილი. ტრავმების გამო მან ვერ შეძლო გუნდში ადგილის მოპოვება და კლუბმაც ის ,,ევერტონში'' გაუშვა.