ანდერს ლინდეგაარდმა შესაძლოა "ოლდ ტრაფორდი" დატოვოს. ეს გადაწყვეტილება ანდერსმა "მანჩესტერ იუნაიტედთან" დიალოგის შემდეგ მიიღო. თუმცა, როგორც მისი აგენტი აცხადებს, 1 სექტემბრამდე მისი კლიენტის დარჩენა გამორიცხული არ არის.

ლინდეგაარდმა თავისი სათამაშო დროის შეზღუდულობა იგრძნო. გასულ წელს იგი მოედანზე, მხოლოდ სამჯერ გამოჩნდა, რის შემდეგაც კარგად აცნობიერებს, რომ დე ხეასთან კონკურენციის პირობებში მისი შანსე მკვეთრად მცირდება.

მაიკლ სტენსგაარდი, ლინდეგაარდის აგენტი აცხადებს: "ჩვენ "მანჩესტერ იუნაიტედთან" ძალიან კარგი დიალოგი გვქონდა და ჩვენ ანდერსის შესაძლებლობების შესახებ ვისაუბრეთ. ასევე იმაზეც, რომ დე ხეას კონკურენციის პირობებში ანდერსს მოუხდება მოძებნოს კლუბი, სადაც სათამაშო პრაქტიკა ექნება. ჩვენ მივაღწიეთ შეთანხმებას, რომლის თანახმადაც შესაძლებლობებს განვიხილავთ. ასე, რომ სულაც არ არის სიმართლე, თითქოს "იუნაიტედი" მას აძევებს ან რამე მსგავსი. ეს ძალიან კონსტრუქტიული დიალოგი იყო იმის შესახებ, თუ როგორ მოეწყობა მომავალი. საბოლოოდ კი ჩვენ შევთანხმდით, რომ ვარიანტებს განვიხილავდით."

"ყველაზე მნიშვნელოვანი კი ისაა, რომ ეს ანდერსისთვისაც და კლუბისთვისაც კარგია - ეს ძალიან მნიშვნელოვანია."

მაიკლმა გავრცელებულ ხმებზეც ისაუბრა: "სიმართლეს არ შეესაბამება, ის ფაქტი რომ ლინდეგაარდს აძევებენ. მსგავს შემთხვევას ადგილი არ ჰქონია. ჩვენ ძალიან კარგი დიალოგი გვქონდა. თუ კი შესაბამის კლუბს ვერ ვიპოვით ანდერსისთვის - რაც ძალიან მნიშვნელოვანია - ის კლუბში დარჩება და სულსა და გულს დადებს. ის მთელი ცხოვრება "იუნაიტედს" გულშემატკივრობს და ამ კლუბისადმი ძალიან ლოიალურია."

როცა ჰკითხეს აგენტს, მან მიიღო თუ არა შემოთავაზებები სხვა კლუბებისგან, პასუხი იყო: "ეს ჩვენი პირადი საქმეა."

the guardian