"რეალის" გამარჯვების შემდეგ "სევილიასთან" უეფამ ორი გოლის ავტორს, კრიშტიანუ რონალდუს, მატჩის საუკეთესო მოთამაშის ჯილდო გადასცა. პორტუგალიელმა ეს ჯილდო თავის ყოფილ მწრთვნელს, სერ ალექს ფერგიუსონს მიუძღვნა.
"მანჩესტერ იუნაიტედის" ყოფილი მწვრთნელი, ახლა კი იმავე კლუბის დირექტორი, უეფას ტექნიკურ კომიტეტში შედიოდა, რომელსაც მატჩის საუკეთესო ფეხბურთელის არჩევა ევალებოდა. სერ ალექსმა პირადად გადასცა ეს ჯილდო კრიშტიანუს.
"მე ძალიან მოხარული ვარ, რომ გავიტანე ორი გოლი და მინდა, დიდი მადლობა გადავუხადო სერ ალექსს, იმისთვის რომ ეს ჯილდო პირადად გადმომცა",-განაცხადა რონალდუმ. - "ის ძალიან დამეხმარა მე, როდესაც 18 წლის ვიყავი და "მანჩესტერში" ვთამაშობდი. მინდა ვთქვა, რომ მას უაღრესად დიდ პატივს ვცემ და მადლობელი ვარ იმ ყველაფრისთვის, რაც მან ჩემთვის და ჩემი კარიერისთვის გააკეთა"