ხუან მატა აცხადებს რომ ბედნიერია "იუნაიტედში" და სეზონის დაწყების წინაც მშვენივრად "მოეწყო" კლუბში.
ყოფილი "არისტოკრატი" მიიჩნევს, რომ მისი ბედნიერება გაუძღვება წინ მისსავე წარმატებულ სეზონს. მატა "იუნაიტედს" იანვარში 37 მილიონ ფუნტად შეურთდა და გუნდშიც ადვილად დაიმკვიდრა ადგილი.
როდესაც ხუანს ჰკითხეს, გრძნობდა თუ არა იგი ოლდ ტრაფორდზე თავს კომფორტულად, მან უპასუხა: "დიახ, ვგრძნობ და ეს ჩემი თანაგუნდელების დამსახურებაა, რომლებიც ყოველთცის ცდილობენ ჩემს დახმარებას. ისინი შესანიშნავი ადამიანები არიან და მათ გამიადვილეს პირველი 6 თვე გუნდში."
ახალ სეზონში მატა თავის ჩვეულ პოზიციას დაუბრუნდება, ვინაიდან და რადგანაც ლუი ვან გაალმა გუნდში ახალი 3-5-2 სისტემა მოიტანა, რომელიც "ზედგამოჭრილია" ესპანელისთვის. მატა ფიქრობს რომ ეს მისი საუკეთესო პოზიციაა და თუ იგი 10 ნომერზე ითამაშებს, გუნდისთვის უფრო პროდუქტიული გახდება.
"თუ მე ორი თავდამსხმელის უკან ვიმოქმედებ, მე თავს კომფორტულად ვიგრძნობ." აგრძელებს მატა. "მე მითამაშია როგორც მარცხენა, ასევე მარჯვენა ფლანგზე, მაგრამ ჩემი საუკეთესო სეზონი "ჩელსიში", რაფა ბენიტესის მწვეთვნელობის დროს იყო. მე ყველაფერს გავაკეთებ მომავალ სეზონში და იმედი მაქვს გუნდი კარგად წარსდგება მაყურებლის წინაშე."
"იმედი მაქვს შევძლებ საგოლე გადაცემების გაკეთებას და გოლების გატანას, რადგან ეს ისაა რაც მე მევალება. ჩვენ გვრძნბთ რომ ბოსი მშვენიერი მწვრთვნელია. მას ძლიერი მენტალიტეტი გააჩნია, ისევე როგორც კლუბს, ორივე მხოლოდ გამარჯვებისთვის იბრძვის. ჩვენ ბედნიერები ვართ ახალი მწვრთნელით და მისი სამუშაო სქემით. ყველაფერი ახალია, მაგრამ ჩვენ კარგად ვეჩვევით მის საფეხბურთო ფილოსოფიას." დაასრულა მატამ.