დღეს, "ოლდ ტრაფორდზე" "მანჩესტერ იუნაიტედი" "ვალენსიას" უმასპინძლებს ამხანაგურ მატჩში. მატჩი თბლისის დროით 22:30 წუთზე დაიწყება. შეგახსენებთ, რომ "ოცნებების თეატრში" ეს სადებიუტო იქნება ვან გაალისთვის. დღევანდელ პრესკონფერენციაზე ვან გაალმა იანუზაიზე, პერსიზე და ფელაინიზე ისაუბრა: "იმისათვის, რომ ფეხბურთელი მოედანზე გამოსასვლელად მზად იყოს, იგი უნდა იყოს ჯანმრთელი და რა თქმა უნდა ფორმაში. მე არ ვფიქრობ, რომ ერთკვირიანი მძიმე ვარჯიშის შემდეგადაც ისინი მზად არიან. წინასასეზონო ტურნეში ადნანს, მარუანსა და რობინს არც-ერთ მატჩში მონაწილეობა არ მიუღიათ. მათ საკმარისი დრო სჭირდებათ, რათა ფორმაში ჩადგნენ და ჩვეული თამაში აჩვენონ."

ასევე შეაფასა მეტოქე და განაცხადა, რომ დღეს გუნდი ყველაფერს გააკეთებს მოსაგებად: "ვალენსიამ უკვე მოიგო წინასასეზონო ტურნე "ემირეიტს"-ში. ის ძალიან კარგი და ძლიერი გუნდია. მათთან დაპირისპირება ძალიან რთული იქნება. მათ ჩვენ მთელი ძალებით დავუპირისპირდებით და მოსაგებად ყველაფერს გავაკეთებთ."

შემადგენლობა "ვალენსიასთან":

ძირითადი: De Gea; Jones, Smalling, Blackett; Young, Fletcher, Herrera, James; Mata; Rooney, Hernandez"

სათადარიგო: Amos, M Keane, Cleverley, Fellaini, Kagawa, Lingard, Januzaj