პატრის ევრამ აღიარა, რომ "მანჩესტერ იუნაიტედის" დატოვება მისთვის რთული იყო.
მაგრამ ფრანგმა მარცხენა მცველმა გადაწყვიტა "იუვენტუსს" შეერთებოდა და სერია A-ს გამოწვევა მიეღო.
"რთული იყო "იუნაიტედის" დატოვება, რადგანაც ეს კლუბი ჩემი მეორე ოჯახივით იყო."
"მაგრამ როგორც კი "იუვენტუსის" მხრიდან ინტერესის შესახებ გავიგე, მივხვდი, რომ ეს გამოწვევა უნდა მიმეღო და გადამეხადა იმისთვის, რომ კლუბმა ნდობა გამომიცხადა."
"როგორც "იუვენტუსის" მოთამაშემ, მაქსიმუმი უნდა გავიღო, რადგან ჩვენ ჩემპიონის ტიტული ზედიზედ მეოთხედ უნდა მოვიპოვოთ. არასდროსაა ზედიზედ ოთხჯერ მისი მოპოვება ადვილი."
"იუნაიტედთან" ერთად ეს სამჯერ გავაკეთე, მაგრამ ოთხი, ეს უკვე ძალიან რთულია. ასევე ჩემპიონთა ლიგაზეც შედარებით უკეთ უნდა ვიასპარეზოთ."
"ოლდ ტრაფორდზე" გატარებული 8 წლის შემდეგ, 33 წლის ევრა "იუვეს" 1,2 მლნ. ფუნტად შეუერთდა.
"ახლა მე "იუვენტუსის" მოთამაშე ვარ. ეს დიდი ისტორიის მქონე ტოპ-კლუბია."
"ჩვენ - ძლიერი გუნდი ვართ. შემადგენლობაში რამდენიმე დაუჯერებელი ჩემპიონი გვყავს."
"ეს არაფრით განსხვავდება "იუნაიტედში" ჩემი მოსვლისგან. როცა აქ მოდიხარ გულშემატკივართა იგივე ნაკადი გეგებება. ეს ნათლად ასახავს, თუ რამდენად დიდი კლუბია და რამდენი ტიტული აქვს."
"სწორედ ამიტომ გადავწყვიტე ამ კლუბში მოსვლა, რადგან ვიცი რას აქვს ფასი - ეს გამარჯვებაა, გამარჯვებულის მენტალიტეტია და მე ვგიჟდები ამაზე."