"მანჩესტერ იუნაიტედმა" თავის გულშემატკივრებს ამცნო, რომ 2014/15 წლების სეზონში "ოდ ტრაფორდზე" ციფრული მოწყობილობების შეტანა აიკრძალება.
Daily Maily თავის წყაროზე დაყრდნობით იტყობინება, რომ ზემოაღნიშნული აკრძალვა დაწესდა ერთადერთი მიზეზის გამო - iPad-სა და მსგავსი პლანშეტური მოწყობილობების პატრონები მატჩის გარკვეული ეპიზოდების ფოტოზე ასახვას ცდილობენ, რაც მათ უკან მსხდომ მაყურებლებს მატჩის ყურებაში ხელს უშლით. ასევე არსებობის იმის საშიშროებაც, რომ გულშემატკივრებმა ამ მოწყობილობებზე მატჩის ფრაგმენტები აღბეჭდონ.
ახალი წესები გუნდის გულშემატკივრებს ელექტრონული ფოსტის საშუალებით მიეწოდებათ. მასში ნათქვამია: "გვსურს საშინაო მატჩებთან დაკავშირებით კლუბის პოლიტიკის ცვლილების შესახებ შეგატყობინოთ. გულშემატკივრებს უფლება არ აქვს სტადიონზე შემოიტანონ ისეთი ელექტრონული მოწყობილობები, რომლებიც 150х100 მმ ზომას აჭარბებს."
"მაგალითად iPad-სა და სხვა პლანშეტური მოწყობილობების, ასევე ნოუთბუქების სტადიონზე შემოტანა ამიერიდან აკრძალულია. ასევე მხედველობაში გქონდეთ, რომ იკრძალება ნებისმიერი ნებისმიერი დიდი ჩანთა, დიდი ფოტოკამერა და სასმელი, გარდა პატარა ბოთლებისა, რომელთაც თავსახურავი მაღლიდან ეხსნებათ. გმადლობთ თანამშრომლობისა და გაგებისათვის."