"მანჩესტერ იუნაიტედი" განაგრძობს მაღალი დონის მცველზე "ნადირობას" და ახლა, როდესაც ტომას ვერმაელენმა და დე ვრიმ სხვა მიმართულებით განაგრძეს კარიერა, მთელი აქცენტი ახალგაზრდა ჰოლანდელ დეილი ბლინდზე კეთდება. ქვემოთ გთავაზობთ 5 მიზეზს იმისა, თუ რატომ უნდა შეიძინოს ეს ფეხბურთელი "იუნაიტედმა".


"იუნაიტედს" სამ პოზიციაზე აქვს გასაძლიერებელი ადგილები. ესენია: ცენტრალური ნახევარდაცვა, დაცვის ცენტრი და დაცვის მარცხენა ფლანგი. ბლინდს კი შეუძლია სამივე პოზიციაზე იდეალურად ითამაშოს. მის კარიერაში დეილი ძირითადად დაცვის ცენტრში გვევლინებოდა, თუმცა წინა სეზონში იგი ხშირად იყო დაცვითი სტილის ნახევარმცველი. ხოლო მუნდიალზე ბლინდი მარცხენა "უინგ-ბექ" -ად და ხანდახან დაცვის ცენტრშიც გვევლინებოდა. "იუნაიტედში" ამ პოზიციებზე იგი საკვანძო ფეხბურთელი იქნებოდა, მაგრამ ის ფაქტი რომ მას სამივეზე ძალუძს თამაში, ეს დამატებითი ბონუსივითაა.


იმ ფონზე, როდესაც დღეს ექსტრემალური თანხის ტრანსფერები კეთდება, "იუნაიტედს" სრულიადაც არ დაუჯდება ძვირი ბლინდის შეძენა. ბლინდის გაშვება "აიაქს" არ სურს, მაგრამ კლუბის ხელმძღვანელმა, ფრანკ დე ბოერმა განაცხადა, რომ ყველას გაყიდვა შეიძლება სათანადო ფასად. ბლინდის ტრანსფერის ფასი დაახლოებით 18 მილიონი ფუნტია, რომელიც შესაძლოა ქურდობადაც ჩავთვალოთ თუ მის შესაძლებლობებს გავითვალისწინებთ.


გასულ წელს ბლინდი დასახელებულ იქნა საუკეთესო ჰოლანდიელ ფეხბურთელად. იგი მშვენივრად ასპარეზობდა საკლუბო დონეზე და ეს წარმატებაც მშვენივრად განაგრძო მსოფლიო ჩემპიონატზე. მუნდიალის დასრულების შემდეგ იგი BBC-ის მუნდიალის ნაკრებშიც მოხვდა და Goal.com ის შეფასების მიხედვით იგი საუკეთესო 50 ფეხბურთელთა შორის 36-ე ადგილს იკავებს.


ბლინდს უკვე შესანიშნავი ურთიერთობა აქვს "იუნაიტედის" ახალდანიშნულ ბოსსთან და როგორც წესი, იგი მშვენივრად ერგება მის დანერგილ სისტემას როგორც ჰოლანდიის ნაკრებში, ასევე "წითელ ეშმაკებში". სწორედ ლუის დამსახურებაა ბლინდის დებიუტი "ფორთოხლისფერებში", მას შემდეგ დელაი შეუცვლელი ფიგურა გახდა. ბლინდმა კარგად იცის თუ რაოდენ საჭიროა იგი ვან გაალისთვის და ალბათ სიხარულისგან იხტუნებს, თუ მასთან მუშაობის შანსი კვლავ მიეცემა.


მიუხედავად იმისა, რომ ჰოლანდიის დივიზიონი საგრძნობლად ჩამოუვარდება პრემიერ ლიგას, შიდა ჩემპიონატის მოგება ყველსათვის სასიხარულოა და ბლინდმა ეს სიამოვნება უკვე ოთხჯერ გამოსცადა. პირველ ჯერზე ის ჯერ კიდევ ადგილის მოსაპოვებლად იბრძოდა გუნდში, მაგრამ დანარჩენი სამის მოპოვებაში მას ერთ-ერთი უდიდესი წვლილი მიუძღვის. ვან გაალის მიზანია "იუნაიტედი" თავის ადგილს დაუბრუნოს და მას სწორედ ისეთი ფეხბურთელები სჭირდება, ვინც იცის თუ რას ნიშნავს იყო ჩემპიონი.

წყარო: FTBPro