"მანჩესტერ იუნაიტედის" მენეჯერმა, ლუი ვან გაალმა თავის ფორვარდი უეინ რუნი შეაქო წინასასეზონო ტურნეში გაწეული სამუშაოსთვის.
ჰოლანდიელი სპეციალისტი კმაყოფილი დარჩა უეინის სტატისტიკით, თუმცა ვან გაალს თავისი შემადგენლობის ფიზიკურად უკეთესად მომზადება სურს.
"ის ყოველთვის მთლიანად იხარჯება, ავლენს მაღალ კლასს და შეუძლია გოლების გატანა. მან ეს გააკეთა ამერიკაში, მან ოთხ მატჩში სამჯერ გამოიჩინა თავი და ვფიქრობ, რომ ეს ცუდი შედეგი არ უნდა იყოს."
"დრო მეტს გვაჩვენებს. ახლა ჩვენ მზადების მხოლოდ დასაწყისში ვართ. დაკავებული ვართ ფიზიკური ფორმის გაუმჯობესებით და ეს პირველ ოფიციალურ მატჩამდე გაგრძელდება",-აცხადებს ვან გაალი.