ჰოლანდიის "აიაქსის" ფეხბურთელმა დეილი ბლინდმა განაცხადა, რომ მისთვის არც "მანჩესტერ იუნაიტედს" და არც "ბარსელონას" მიუმართავს ოფიციალური წინადადებით, გვამცნობენ ბრიტანული გაზეთები.

"რა თქმა უნდა, ინტერესი ისეთი კლუბებისგან, როგორიც "მანჩესტერ იუნაიტედი" და "ბარსელონაა", აღმაფრთოვანებს, - აცხადებს ბლინდი - ძნელი იქნებოდა მათთვის უარის თქმა. მაგრამ ისინი სერიოზულად არ ინტერესდებიან ჩემით."

ბლინდმა ასევე დაამატა, რომ ის თავს კომფორტულად გრძნობს "აიაქსში".

"ფეხბურთში დაპირებების მიცემა არ არსებობს, - განაგრძობს ჰოლანდიელი ფეხბურთელი - მოთამაშეები ბევრჯერ დაპირებიან კლუბებს, რომ არსად წასვლას არ აპირებდნენ, მაგრამ წავიდნენ. ყველაფერი შეიძლება მოხდეს. მაგრამ მე "აიაქსში" თამაშითაც მოხარული ვარ."

მოგვიანებით გავრცელდა ინფორმაცია, რომ "მანჩესტერ იუნაიტედი" 21 მილიონი ევროს გადახდას აპირებს ბლინდში. შეგახსენებთ, რომ დეილის მამა დანი ბლინდი "აიაქსის" კაპიტანი გახლდათ. ის კლუბში 1986 წლიდან 1999 წლამდე ასპარეზობდა და მის შემადგენლობაში ყველა ევროპული საკლუბო ჩემპიონატი მოიგო. ამ დროისთვის კი ის ჰოლანდიის ეროვნული ნაკრების ახალი მწვრთნელის გუს ჰიდინკის დამხმარედ მუშაობს.

რაც შეეხება ისევ დეილი ბლინდს, ის "აიაქსის" აკადემიის აღზრდილია. მთავარი გუნდის შემადგენლობაში 2008 წლიდან თამაშობს. გუნდის მაისურით ჩატარებული აქვს 142 მატჩი და სამი გოლი გაიტანა. ჰოლანდიის ეროვნულ ნაკრებში კი მის ანგარიშზე 19 შეხვედრაა.