ბევრი ამბობს, რომ ახალ კლუბთან შესაგუებლად დროის გარკვეული პერიოდია საჭირო. თავს "იუნაიტედის" მოთამაშედ უკვე გრძნობთ?
დიახ. თანაგუნდელები ძალიან დამეხმარნენ ამაში. მათი წყალობით პირველი ნახევარი წელიწადი მშვენივრად გავიდა.
მსოფლიო ჩემპიონატიდან ესპანეთის ნაკრების ადრეულმა გამოვარდნამ ვარჯიშის დაწყების დროული საშუალება მოგცათ.
დიახ, ეს ასეა. ალბათ ეს პირველი ზაფხულია, რომლის მიძღვნაც მთლიანად მომდევნო სეზონისთვის მომზადებისთვის შემიძლია. ძლიან სასიამოვნო იყო ბიჭებთან ერთად აშშ-ს სტუმრობა და ლუი ვან გაალთან პირველივე დღიდან გაცნობა.
კმაყოფილი ხართ იმ მდგომარეობით, რა ფორმაშიც იმყოფებით?
დიახ. წინა სეზონის მსვლელობისას მე საკუთარი დონის მიღწევასა და გუნდისთვის რაც შეიძლება მეტი სარგებლის მოტანას ვცდილობდი.
საკმაოდ აქტიურად ხართ ჩართული სოციალურ ქსელში. რამდენად მნიშვნელოვანია ეს თქვენთვის?
მე სოციალურ ქსელებს მივიჩნევ გულშემატკივრებთან ურთიერთობის შესანიშნავ საშუალებად. თქვენ შანსი გეძლევათ სამაგიერო გაიღოთ იმისთვის, რა სიყვარულსა და მხარდაჭერასაც მათგან გრძნობთ. მე მომწონს გულშემატკივრებთან საუბარი და იმის გაგება, თუ რას ფიქრობენ ამა თუ იმ საკითხზე. ნათელია, რომ მთელი ძალების კონცენტრირება სამუშაოზე უნდა მოხდეს, მაგრამ თავისუფალ დროს ამითიც შეიძლება დაკავება.
ყოველ კვირას ჩანაწერს ტოვებთ საკუთარ ბლოგზე... დიახ, ამას ბოლო სამი სეზონის განმავლობაში ვაკეთებ და ნამდვილად მომწონს. ჩვეულებრივ ამას მხოლოდ 30 წუთი მიაქვს. რთულია რამის დაწერა მაშინ, როცა ბოლო შეხვედრაში დამარცხდი და დაღლილობას გრძნობ, მაგრამ გულშემატკივარი შენგან ამ ჩანაწერებს ელოდება და აინტერესებთ შენი შეხედულებები. ბოლოს და ბოლოს საშუალება გაქვს ზუსტად გამოეხმაურო სხვადასხვა საკითხებს და გაუგებრობა თავიდან აიცილო. პრესა შენს აზრებს თავდაყირა აყენებს და პირადი ბლოგის არსებობა საუკეთესო საშუალებაა ზუსტი ინფორმაციის გადასაცემად.