ლონდონის "არსენალის" მთავარმა მწვრთნელმა არსენ ვენგერმა დაადასტურა, რომ "მანჩესტერ იუნაიტედმა" ტომას ვერმაელენის შესაძენად, შეთავაზება ნამდვილად გააკეთა.
ამ სატრანსფერო ფანჯარაზე "წითელმა ეშმაკებმა" სამი ყველაზე გამოცდილი მცველი: პატრის ევრა, ნემანია ვიდიჩი და რიო ფერდინანდი დაკარგა. ლოგიკურია, რომ ლუი ვან გაალი 1 სექტემბრამდე დაცვის ხაზს საკმაოდ გააძლიერებს.
ვერმაელენისადმი ინტერესი, ჯერ კიდევ ჭორის დონეზე რჩება, მაგრამ "არსენალის" მწვრთნელმა არსენ ვენგერმა "იუნაიტედის" ინტერესი დაადასტურა და დასძინა, რომ მანჩესტერულმა კლუბმა ბელგიელის შესაძენად შეთავაზებაც გააკეთა.
"იუნაიტედი ერთ-ერთი იმ კლუბთაგანია, რომელმაც ტომასის შესაძენად შეთავაზება გაკეთა. მას შეუძლია დატოვოს ჩვენი კლუბი, თუ ეს სურს. ჩვენ შეთავაზება ასევე საზღვარგარეთიდანაც მივიღეთ და იდეალურ ფასში ბელგიელს გავუშვებთ. სატრანსფერო ფანჯრის დახურვამდე, ჯერ კიდევ საკმაოდ დიდი დრო დარჩა, ამიტომ ჩვენ მოვლენების განვითარებას დაველოდებით და საუკეთესო არჩევანს გავაკეთებთ."-განაცხადა ფრანგმა.