"არსენალის" მცველის ვერმაელენის შეძენაში ლიდერი ახლა უკვე "მანჩესტერ იუნაიტედია". "ბარსელონამ" გასულ დღეებში უპირატესობა მოიპოვა, რადგან მათ ლონდონელებს ტომასის სანაცვლოდ 10 მილიონი ფუნტი შესთავაზეს. თუმცა, Sky Sports-ის წყაროების ცნობით, 28 წლის ბელგიელს "ოლდ ტრაფორდზე" გადაბარგება სურს.
ვერმაელენის მომავალი მთელი ზაფხულის განმავლობაში განიხილებოდა, რადგან მას კლუბთან ერთ წლიანი კონტრაქტი აკავშირებს. არსენ ვენგერი ტომასს აღარ ენდობა და მის ნაცვლად პერ მერტესაკერს ათამაშებს. ვენგერმა გასულ კვირაში განაცხადა, რომ ვერმაელენს ძირითადში თამაშის გარანტიას ვერ მისცემს და წასვლასაც არ დაუშლის.
ბელგიელმა პრემიერ ლიგის გასული სეზონის მეორე ნახევარში მხოლოდ 7 მატჩი ჩაატარა დიდი ალბათობით, ის ლუი ვან გაალის კლუბს შეუერთდება.

წყარო: skysports.com