"მანჩესტერ იუნაიტედის" ყოფილი მთავარი მწვრთნელის ყოფილი ასისტენტი, ფილ ნევილი ადასტურებს, რომ ლუი ვან გაალის სამწვრტნელო შტაბში მისთვის ადგილი არ მოიძებნა.

ერთი წლის წინ, "წითელი ეშმაკების" ყოფილი მოთამაშე, ფილ ნევილი "ოლდ ტრაფორდს" დაუბრუნდა, რათა დევიდ მოიესს დახმარებოდა. მიუხედავად იმისა, რომ თავად მოიესმა სეზონის დასასრულამდე ვერ გასტანა, ფილ ნევილი არ გაუძევებიათ.

37 წლის ნევილი ხელფასის მიღებას აგრძელებდა, მაგრამ ახლა ცნობილი გახდა, რომ მას სამწვრთნელო შტაბში ადგილი ვეღარ მოუძებნეს. ამის შესახებ ფილმა ტვიტერის საშუალებით გვამცნო.

ამას გარდა ცნობილი გახდა ისიც, რომ ნევილი სატელევიზიო ექსპერტად იმუშავეს გადაცემაზე Match of the Day. მიუხედავად იმისა, რომ მსოფლიო ჩემპიონატის მსვლელობისას ნევილს უამრავი კრიტიკა შეხვდა, BBC-მ გადაწყვიტა მასთან კონტრაქტი მაინც გაეხანგრძლივებინა.

fapl.ru