ინგლისის "პრემიერლიგის" ეგიდით გამართული მატჩის შემდეგ, რომელშიც "იუნაიტედი" "ნიუკასლთან" მინიმალური ანგარიშით დამარცხდნენ და მდევრებს მიახლოების საშუალება მიცეს, ჟოზე მოურინიომ საინტერესო განცხადება გააკეთა მატჩის შემდგომ პრესკონფერენციაზე.
"კაჭკაჭების" მოედანზე 0 გამარჯვების მსგავსად, არასახარბიელოა სტატისტიკა ბენიტესის წინააღმდეგ, რომელსაც პეპ გვარდიოლას შემდეგ ( 9 გამარჯვება მოურინიოს წინააღმდეგ ) ყველაზე მეტი 6 გამარჯვება აქვს "განსაკუთრებულის" წინააღმდეგ.
პორტუგალიელმა შეაქო რაფაელ ბენიტესი, მაგრამ ეს მეტად პროვოკაციულად გამოუვიდა "ლივერპულის" გულშემატკივრებისთვის: "ბენიტესი შესანიშნავი მწვრთნელია, მან იცის როგორ დააგროვოს ქულები, ამაში ორი აზრი არაა, მან ჩემსავით პატარა კლუბით შეძლო ჩემპიონთა ლიგის მოგება, მე "პორტოთი" მან "ლივერპულით".
როგორც ჩანს არსენ ვენგერისა და ანტონიო კონტეს შემდეგ, რომელთა წინააღმდეგაც ანალოგიურად პროვოკაციულ განცხადებებს აკეთებდა "განსაკუთრებული" ამჯერად "მერსისაიდელების" ჯერი დადგა. ეს ორი კლუბი ამ განცხადებამდეც ორ ყველაზე მტრულად განწყობილ გუნდად ითვლებოდა ბრიტანულ საფეხბურთო სამყაროში.
შეგახსენენთ "ლივერპულმა" უკანასკნელი გამარჯვება დაახლოებით 28 წლის წინ მოიპოვა, რაც რიგით მეთვრამეტეა მათ ისტორიაში, შესაბამისად 1992 წლის შემდეგ რაც ინგლისის საფეხბურთო ჩემპიონატს ოფიციალურად ეწოდა "პრემიერ ლიგა" მერსისაიდელების ანგარიშზე 0 მოპოვებული ტიტულია. "იუნაიტედმა" კი 2013 წელს მეოცე გამარჯვება იზეიმა და მის გულშემატკივრებს საშუალება მისცა საკუთარი გუნდი ყველაზე ტიტულოვანის სახელით მოიხსენიონ.