პოლ პოგბას განცხადებით, ოლე გუნარ სოლსკიაერმა გუნდში სერ ალექს ფერგიუსონის ხანა დააბრუნა.
"ეს მისთვის სახლისავითაა. ის დიდად არც შეცვლილა. ის ფერგიუსონის დროიდან მოვიდა. ვარჯიშები, ბურთთან შეხება, ეს ყველაფერი ზუსტად ისე ხდება, როგორც უწინ."
სოლსკიაერმა ექვსი მატჩიდან ექვსივე მოიგო და განაცხადა, რომ მწრთვნელის საქმის შესრულება მუდმივად სურს. სწორედ სოლსკიაერის მეთვალყურეობის ქვეშ შედგა პოგბას დებიუტი რეზერვებში, მაშინ როცა ფრანგი ჯერ კიდევ 17 წლის გახლდათ.
"ის ყოველთვის იღიმოდა. ფეხბურთელებთან ძალიან ახლოს იყო და ყველასი ესმოდა. როგორც უკვე აღვნიშნე, დიდად არც შეცვლილა. შესაძლოა მის მიმართ პატივისცემის გრძნობა გაიზარდა, მაგრამ როგორც პიროვნება, ზუსტად იგივეა."
"ახლა ისეთ მატჩებს ვთამაშობთ, სადაც ბურთს ძირითადად ჩვენ ვფლობთ. ჩვენ ყველამ კარგად ვიცით სად შევუტიოთ, სად დავიჭიროთ ბურთი. უფრო სტრუქტურულად და დახვეწილად ვთამაშობთ."
"მისი მითითებებით ყველაფერი ყველასთვის უფრო და უფრო მარტივი ხდება. ეს მხოლოდ ჩემზე არაა. დიახ, რამდენიმე გოლი გავიტანე და რამდენიმე ასისტიც გავაკეთე, მაგრამ აქ მთლიან გუნდზე მაქვს საუბარი."