"სუონსისთან" მატჩის წინ ჟოზე მოურინიო ჟურნალისტებს გაესაუბრა.
რას იტყვით "სუონსის" და პოლ კლემენტის შესახებ ?
"ველოდები რთულ მატჩს. ეს იქნება მათი პირველი მატჩი ახალ სეზონში, რომელსაც ისინი სახლში ჩაატარებენ, ისინი ბოლომდე იბრძოლებენ იმისთვის, რომ ჩემპიონატის ერთ-ერთ საუკეთესო გუნდთან ქულები მოიპოვონ. რაც შეეხება პოლ კლემენტს მან არაჩვეულებრივი სამუშაო გასწია. გასულ სეზონში გუნდი რთულ ვითარებაში იყო, მაგრამ მან მოახერხა და "სუონსი" პრემიერ ლიგაში დატოვა. ახალი სეზონი ვფიქრობ მათ კარგად დაიწყეს, "საუთჰემპტონთან" გასვლით მატჩში ქულის მოპოვება კარგი შედეგია."
ემხრობით იდეას, რომ სატრანსფერო ფანჯარა სეზონის დაწყებამდე დაიხუროს ?
"პრემიერ ლიგის წარმომადგენლებს გავესაუბრე და მათ ჩემი მოსაზრების შესახებ ვუამბე, მაგრამ საბოლოო გადაწყვეტილებას მაინც უმრავლესობა მიიღებს. მალე ედ ვუდვორდსაც შევხვდები, ერთმანეთს საკუთარ მოსაზრებებს გავუზიარებთ და ვფიქრობ საბოლოო გადაწყვეტილებასაც მალე მივიღებთ."
თქვენ რა აზრის ხართ ამ იდეაზე ?
"ჩვენ უნდა დავთანხმდეთ და მივიღოთ ის გადაწყვეტილება, რაც საბოლოოდ იქნება მიღებული. როგორც მენეჯერი მე მირჩევნია, რომ სატრანსფერო ფანჯარა რაც შეიძლება მალე დაიხუროს. შეთანხმებები მალე გაფორმდება და აღარავინ დაელოდება სატრანსფერო ფანჯრის ბოლო კვირას. აღარ გვექნება სიტუაცია, როდესაც ფეხბურთელი ახალ სეზონში ერთ მატჩს სხვა გუნდში ჩაატარებს, ხოლო დანარჩენ მატჩებს კი უკვე ახალ გუნდში."
"სხვა საკითხია ხომ არ გვემუქრება ფეხბურთელების დაკარგვა მაშინ, როდესაც ჩვენთან სატრანსფერო ფანჯარა დაიხურება, ხოლო სხვა ჩემპიონატებში კი ის კვლავ ღია იქნება ? ჩემი კითხვაა რამდენია ისეთი გუნდი მსოფლიოში, რომელიც შეძლებს და შეიძენს პრემიერ ლიგის საუკეთესო ფეხბურთელებს ? ჩემი აზრით ძალიან ცოტა და რისკიც მინიმალურია. არც ერთი გუნდი არ გაყიდის მთავარ ფეხბურთელს, თუ მას არ ეყოლება მისი შემცვლელი. ამიტომ კიდევ ერთხელ ვამბობ, როგორც საფეხბურთო მენეჯერი ვფიქრობ და მიმაჩნია, რომ სატრანსფერო ფანჯრის დახურვა სეზონის დაწყებამდე უკეთესია."
ხართ ისევ მარკეტზე ? აპირებთ ფეხბურთელის შეძენას ?
"ვფიქრობ მარკეტზე არ ვართ, სხვა საკითხია თუ მოხდა ისეთი რამ, რაც ჩვენ საშუალებას მოგვცემს დავბრუნდეთ და შევეცადოთ ფეხბურთელის შეძენა. მე ვუთხარი მისტერ ვუდვორდს, რომ ჩვენ 4 ფეხბურთელი გვინდოდა, მაგრამ მას ასევე ვუთხარი, რომ ჩემგან არანაირი წნეხი არ იყო. მე ვიცი სატრანსფერო ბაზრის სირთულე, ჩვენ წინ გვაქვს როგორც ზამთრის, ისე ზაფხულის სატრანსფერო ფანჯარა, ამიტომ ვუთხარი მე მას, რომ ჩემგან არანაირი წნეხი არ იქნებოდა და მე მზად ვიქნები მემუშავა იმ ფეხბურთელებთან, რომლებიც ახლა არიან ჩემ განკარგულებაში. თუ ვერ შევიძენთ მეოთხე ფეხბურთელს, მე მაინც კმაყოფილი და ბედნიერი ვარ ჩემი შემადგენლობით და მზად ვარ ახალი სეზონისთვის."
გასულ მატჩში 4:0 მოიგეთ, ამ შედეგმა რა თქმა უნდა იმოქმედა გუნდის თავდაჯერებულობაზე. არის თავდაჯერებულობა თქვენს ფეხბურთელებში ახლა ყველაზე მაღალი თქვენი აქ ყოფნის პერიოდში ?
"საკმაოდ დიდი გამოცდილება მაქვს უკვე იმისთვის, რომ 4:0 მოგების შემდეგ არ ვიფიქრო, რომ ჩემი გუნდი უკვე საუკეთესოა, საოცნებოა და მთავარი ფავორიტია. ჩვენ არ ვართ ფავორიტები, ჩვენ უბრალოდ ვართ გუნდი, რომელსაც გასულ სეზონთან შედარებით უფრო მეტი თავდაჯერებულობა და უფრო მეტი მუშაობის გამოცდილება აქვს."
"როდესაც გასულ მატჩს ვიხსენებ მე ბევრი კარგი რამ მახსენდება, მაგ 4:0 მოგების განმეორება პრემიერ ლიგაში არ არის მარტივი, მთავარია ის თამაშის ხარიხსი გავიმეოროთ, რომელიც წინა მატჩში ვაჩვენეთ. კარგი სათამაშო დისციპლინა, გოლის არ გაშვება, დინამიკა, შეტევა, გოლების გატანა, 1:0-ის შემდეგ კვლავ შეტევა, აი სწორედ ეს მინდა დავინახო ხვალინდელ მატჩში."
"ეს მხოლოდ დასაწყისია. გასულ სეზონში 3 მატჩში 9 ქულა გვქონდა, მაგრამ სეზონი მე-6 პოზიციაზე დავასრულეთ. მე არ მივცემ ფეხბურთელებს იმის ფიქრის საშუალებას, რომ ერთი მატჩი ფავორიტებს გვხდის. ჩვენ წინ დიდი გზა გვაქვს გასავლელი."
ლუკ შოუ და ეშლი იანგი ბრუნდებიან
მოურინიომ ასევე დაადასტურა, რომ ლუკ შოუ და ეშლი იანგი ორშაბათს რეზერვისტებთან ერთად "სუონსისთან" გასამართ მატჩში მიიღებენ მონაწილეობას.
პრესკონფერენცია
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.