"მანჩესტერ იუნაიტედის" იტალიელ მცველმა მატეო დარმიანმა შესაძლოა კარიერა ტურინის "იუვენტუსში" გააგრძელოს. La Gazzetta dello Sport- ის ცნობით, ფეხბურთელი "ბებერი ქალბატონის" სპორტულ დირექტორს გუშინ შეხვდა და ტრანსფერის პირობები განიხილა.
დარმიანი პაპარაცება მილანის ერთ - ერთ რესტორანში შენიშნეს პარეტიჩისთან ერთად. ძნელი მისახვედრი არავისთვისაა თუ რა თემაზე შედგებოდა საუბარი ფეხბურთელსა და დირექტორს შორის.
სავარაუდოა, რომ მოლაპარაკებები ოფიციალურად მალე დადასტურდება და 28 - წლის მცველი მომავალი სეზონიდან იტალიურ ჩემპიონატში იასპარეზებს. "იუვენტუსს" მისი კონტრაქტის შესყიდვა დაახლოებით 13 მილიონი ევრო დაუჯდება.
შეგახსენებთ, რომ დარმიანი "წითელ ეშმაკებს" 2015 წელს კიდევ ერთი ტურინული კლუბ "ტორინოდან" შეუერთდა. "იუნაიტედი" გარიგების თანხას არ ამჟღავნებს, თუმცა ზოგიერთი წყაროს ცნობით ეს თანხა 12,7 მილიონ ფუნტს შეადგენს.