პრემიერ ლიგის გასული ტური, უიღბლო აღმოჩნდა სატურნირო ცხრილის მეორეადგილოსან "იუნაიტედისთვის". ჟოზე მოურინიოს გუნდმა სტუმრად რაფა ბენიტესის "ნიუკასლთან" დაკარგა ქულები. "წითლებმა" შეხვედრა ანგრიშით 1-0 დათმეს.
აღნიშნული შეხვედრის შემდეგ გავრცელდა ჭორები იმის შესახებ, რომ თითქოს ჟოზე მოურინიო ცენტრალური დაცვის ხაზის ორი წევრით უკმაყოფილოა და შესაძლოა ეს ფეხბურთელები ზაფხულის სატრანსფერო ფანჯრის დროს "ოლდ ტრაფორდმა" გაუშვას. საქმე ეხება კრის სმოლინგსა და ფილ ჯონსს.
როგორც Mirror-ი იუწყება, პორტუგალიელს ინგლისელი მცველების ზაფხულში გაყიდვა უკვე გადაწყვეტილი აქვს. ამავე წყაროს ცნობით ჟოზე დაცვის ხაზს ახალი მცველებით გააძლიერებს.
"განსაკუთრებულის" კანდიდატებს რაც შეეხება, მის სიაში "ლესტერის" მცველი ჰარი მაგუაიერი და მადრიდის "რეალის" ფრანგი დამცველი რაფაელ ვარანია. საუბარია ასევე "ტოტენჰემის" დაცვის ხაზის წევრ ტობიას ალდერვეირელდზეც.